Маңғыстаудағы Үкімет комиссиясы Мемлекет басшысының шешімдерінің тиімді екенін айтты

6 Қаңтар 2022, 18:00
656
Бөлісу:
Маңғыстаудағы Үкімет комиссиясы Мемлекет басшысының шешімдерінің тиімді екенін айтты

Нұр-Сұлтан, BAQ.KZ. Маңғыстау облысында жүрген Үкіметтік комиссия Мемлекет басшысының азаматтарымызды қорғау және мемлекеттік міндеттерді орындау бойынша қабылдаған шараларының уақытылы және тиімді екенін айтты.

Комиссия бастамашыл топтармен кездесуінде Мемлекет басшысының қабылдаған шешімдерінің дұрыс екендігін айтты. Қабылданған шешімдер елдің барлық өңірлерінде тұрақтылықты жедел орнатуға және құқықтық тәртіпті қамтамасыз етуге бағытталған.

Сонымен қатар комиссия мүшелері Мемлекет басшысының елдегі тұрақтылық пен азаматтарымыздың өмірі мен денсаулығын сақтау, олардың құқықтары мен әртүрлі қылмыстық әрекеттерді болдырмау мақсатында қабылдаған шешімдерін түсіндіру бағытында жұмыстар жүргізуде.

Комиссия өңір тұрғындарын төтенше жағдай режимінің барлық шарттарын мүлтіксіз сақтауға, сондай-ақ  шыдамдылық пен елдің дамуы бағытында жауапкершілік танытуға шақырады.

 

Өзгелердің жаңалығы