Бас жаңалықтар
Маңғыстауда  60 мыңнан астам жаңа жұмыс орны құрылады
05 Қазан 2021, 09:57 7947

Маңғыстауда 60 мыңнан астам жаңа жұмыс орны құрылады

Нұр-Сұлтан, BAQ.KZ тілшісі. Бұл туралы бүгін өткен Үкімет отырысында Ұлттық экономика министрі Әсет Ерғалиев хабарлады. Сондай-ақ өңірдің қауіпсіздігі мен қоғамдық құқықтық тәртібін қамтамасыз ету үшін 3 модульдік өрт сөндіру бөлімінің құрылысы жоспарланып отырған көрінеді.

Оның қатарында «Қауіпсіз қала» жобасын іске асыру да қарастырылған.

2025 жылға қарай бұл шараларды іске асыру шеңберінде жалпы өңірлік өнім 32%-ға, өңдеу өнеркәсібі көлемі 43,3%-ға өсуін қамтамасыз етеді. Ауыз сумен қамту 100%-ға, халықтың нақты табысы 40,3%-ға дейін өседі. Жақсы және қанағаттанарлық жағдайдағы жолдардың деңгейін 100%-ға дейін артатын болады. 60 мыңнан астам жаңа жұмыс орны құрылады, - деп атап өтті Ұлттық экономика министрі.

Оның айтуынша, облысқа келетін жыл сайынғы туристер ағыны 4,6 есеге артады.

Сондай-ақ бір тұрғынға тұрғын үй көлемі 27,2 шаршы метрге дейін ұлғаяды және мектептердегі үш ауысымды оқыту жүйесі реттеледі. Жалпы, Кешенді жоспарды іске асыру облыс халқының әл-ауқатын және өмір сүру сапасын арттыруды қамтамасыз етуге, сондай-ақ экономикасын тұрақты дамытуға мүмкіндік береді, - деді Әсет Ерғалиев.

Еске сала кетейік, бұған дейін Маңғыстауда 24 мектеп бой көтеретіні туралы жазған болатынбыз.


Фото: дереккөз
Загрузка...