Мамин: Pfizer вакцинасы еліміздің коммерциялық нарығына жеткізіледі
16 Қараша 2021, 10:04 77

Мамин: Pfizer вакцинасы еліміздің коммерциялық нарығына жеткізіледі

Нұр-Сұлтан, BAQ.KZ тілшісі. Бұл туралы бүгін өткен Үкімет отырысында Премьер-министр Асқар Мамин хабарлады. Оның айтуынша, халықты вакциналаумен және ревакциналаумен қажетті көлемде қамтамасыз ету маңызды.

Біз қазір ДДСҰ ұсынысы бойынша вакциналауға жататын адамдар санатын кеңейтіп жатырмыз. Жасөспірімдерді, жүкті және бала емізетін аналарды вакциналау басталды. Адамдардың өздерінің тандауы бойынша қажет вакцинаны ақылы түрде алу мүмкіндігі болуы үшін вакцинаны коммерциялық нарық сегментіне жеткізу туралы ұсынысты қолдаймын, - деді Үкімет басшысы.

Қазақстанда ревакцинацияны биылғы 22 қарашада бастау жоспарланған. Бұған дейін салынған вакцинаның түріне қарай, екінші компонентті алған сәтінен бастап 6-9 ай өткен азаматтар егілетін болады.

Еске сала кетейік, бұған дейін Pfizer вакцинасының қанша балаға егілгені туралы айтқан болатынбыз.


Фото: ашық дереккөз
Загрузка...