Бас жаңалықтар
Ливан үкіметі толықтай отставкаға кетуге шешім қабылдады
10 Тамыз 2020, 23:21 333

Ливан үкіметі толықтай отставкаға кетуге шешім қабылдады

Нұр-Сұлтан, BAQ.KZ. Ливанның Денсаулық сақтау министрі Мұхаммед Хасан ел үкіметінің толықтай отставкаға кеткенін жеткізді.

Ливанның премьер-министрі Хасан Диаб жақында біздің үкіметіміздің толығымен отставкаға кеткені туралы жариялайды, - деді ол, 10 тамыздағы үкімет отырысынан кейін журналистерге.

Бұл шешімді Қоғамдық жұмыс және көлік министрі Мишель Наджар да растап отыр.

Біз өзімізді жауапкершіліктен босату үшін отставкаға кетіп бара жатқан жоқпыз. Министрлер жаңа үкімет құрылғанға дейін өз міндеттерін атқарады, - деді ол.

Бұл шешімнің соңғы бірнеше күнге созылған жаппай наразылықтардан кейін қабылданғаны анық. Кеше алдымен Әділет министрі Мари Клод Нейем және өзге де саясаткерлер орындарын босатты.


Фото: ашық дереккөз
Загрузка...