Құсбегілер арасында Күнтуған Тоқтыбайұлы атындағы турнир басталды

29 Қазан 2021, 18:45
23654
Бөлісу:
Құсбегілер арасында Күнтуған Тоқтыбайұлы атындағы турнир басталды
PHOTO
Фото: автордан

Нұр-Сұлтан, BAQ.KZ тілшісі. Елорда маңындағы Софиевка ауылында Күнтуған Тоқтыбайұлы атындағы дәстүрлі құсбегілер турнирі басталды.

Құсбегілер арасында Күнтуған Тоқтыбайұлы атындағы турнир басталды

Екі күнге жалғасатын айтулы саятшылыққа еліміздің барлық өңірінен 30-ға жуық бүркіт, 10-нан астам қаршыға, ителгі, сұңқар келген.

Құсбегілер арасында Күнтуған Тоқтыбайұлы атындағы турнир басталды

Ел Тәуелсіздігінің 30 жылдығына орай ұйымдастырылып жатқан айтулы саят осымен 5-рет өткізіліп отыр.

Құсбегілер арасында Күнтуған Тоқтыбайұлы атындағы турнир басталды

Саятшылық турнирінің ашылу салтанатына Құсбегілік федерациясының презиенті Берік Уәли, Ұлттық спорт қауымдастығының атқарушы директоры Рахат Жақсыбай және Ақмола облысының, Нұр-Сұлтан қаласының спорт басқармаларының басшылары, ардагер құсбегілер мен Күнтуған Тоқтыбайұлының ұрпақтары қатысты.

Құсбегілер арасында Күнтуған Тоқтыбайұлы атындағы турнир басталды

Турнирді өткізудегі басты мақсатымыз – Қазақстан Республикасының Тұңғыш Президенті – Елбасы Нұрсұлтан Әбішұлының «Болашаққа бағдар, Рухани жаңғыру» бағдарламалық мақаласында айтылған міндеттерді орындау. Оның сыртында Мемлекет басшысы Қасым-Жомарт Кемелұлының бұқаралық спортты дамытуға қатысты тапсырмаларын орындап, жас ұрпаққа ұлтымыздың ұлық өнерін дәріптеу. Бұған дейін өткен турнирлер халықаралық деңгейде өткен болатын. Биылғы турнирге пандемияға байланысты өзге елдің құсбегілері келе алмады – дейді турнирдің ұйымдастырушысы, Күнтуған Тоқтыбайұлының ұлы Базарбек Күнтуған.

Құсбегілер арасында Күнтуған Тоқтыбайұлы атындағы турнир басталды

Ашылу салтанаты кезінде сөз алған Құсбегілік федерациясының басшысы Берік Уәли жиналған қауым мен турнирге қатысушы құсбегілерге алғыс айта отырып, алдағы уақытта да мұндай сайыстар жалғасын табатынын атап өтті.

Құсбегілер арасында Күнтуған Тоқтыбайұлы атындағы турнир басталды

Құсбегілік сайысында саятшылар бүркіт, қаршыға, ителгі, сұңқар қатарлы аушы құстардың өнерін сарапқа салады.

Құсбегілер арасында Күнтуған Тоқтыбайұлы атындағы турнир басталды

Алғашқы күні құсбегілер бүркітті қолға шақыру, еркін ұшыру; қаршығаны қолға шықыру, ителгіні қолға шақыру сайыстарын өткізеді.

Құсбегілер арасында Күнтуған Тоқтыбайұлы атындағы турнир басталды

Екінші күні бүркітті шырғаға салу, қоянға салу, қаршығаға қоян ілдіру және ителгіні қоянға салу қатарлы жарыстарда өз бақтарын сынайды.

Құсбегілер арасында Күнтуған Тоқтыбайұлы атындағы турнир басталды

Екі күнге жалғасатын сайыста еліміздің 11 облыс, екі қаласынан барлығы 30 бүркіт, 7 ителгі, 5 қаршыға турнир көркін кіргізетін болады.

Құсбегілер арасында Күнтуған Тоқтыбайұлы атындағы турнир басталды

Өзгелердің жаңалығы