Бас жаңалықтар
МСҚ жүйесін енгізгеннен бері КТ және МРТ қызметтерін тұтыну 54%-ға артты
26 Ақпан 2020, 17:29 171

МСҚ жүйесін енгізгеннен бері КТ және МРТ қызметтерін тұтыну 54%-ға артты

Алматы, BAQ.KZ. Бүгін Алматы қаласы әкімдігінің баспасөз орталығы алаңында Алматы қаласы Қоғамдық денсаулық басқармасының басшысы мен Алматы қаласы "Әлеуметтік медициналық сақтандыру қоры" КЕАҚ филиалының директоры Нұрлыбек Қабдыкапаров міндетті әлеуметтік медициналық сақтандыру жүйесі аясында қызмет көрсету туралы айтып берді. 

МӘМС – бұл Қазақстанның барлық сақтандырылған азаматтарына жынысына, жасына, әлеуметтік мәртебесіне, тұратын жеріне және табысына қарамастан кепілдік берілген медициналық және дәрілік көмекке тең қолжеткізу.

Жалпы алғанда, МӘМС енгізумен саланы қаржыландыру орта есеппен 52%-ға артты, клиникалық - диагностикалық қызметтердің көлемі 5,2 есеге, қалпына келтіру емі мен паллиативтік көмек 7,8 еседен аса өсті, - деді Алматы қаласы Қоғамдық денсаулық басқармасының басшысы Тілеухан Әбілдаев. 

Ол МӘМС бойынша барлық қаражат түсімдердің шамамен 22%-ы Алматыға келетінін атап өтті. Сондай-ақ, 2020 жылы МРТ, КТ және стоматология сияқты қызметтер үшін төлем кестесі өзгерген. 

Егер бұрын төлем тікелей кеңестік-диагностикалық қызмет көрсететін клиникаларда жүргізілсе, ағымдағы жылдың басынан бастап бұл емханалар арқылы жүргізіледі. Ол үшін қосымша орындалатын келісім-шарттар жасалады. МӘМС енгізумен КТ және МРТ қызметтерін тұтыну 54%-ға, УДЗ-21%-ға артты. Еске салсақ, КТ, МРТ, ПТР және ИФТ-талдаулары сияқты қызметтер бұрын тек жеңілдікті санаттарға ғана көрсетілген, қазір МӘМС жүйесінде де қолжетімді болды, - дейді Алматы қаласы "Әлеуметтік медициналық сақтандыру қоры" КЕАҚ филиалының директоры Нұрлыбек Қабдыкапаров. 

Жаңа реформаның арқасында биыл Алматы қаласының Денсаулық сақтау саласындағы қаржыландыру көлемі 1,5 есеге өскен.

Бүгінгі күні Алматы қаласы бойынша әлеуметтік медициналық сақтандыру қоры 173 қызмет көрсетушімен келісім-шарт жасады. Оның ішінде 144 медициналық мекеме мемлекеттік тапсырыс аясында қызмет көрсетеді. Міндетті медициналық сақтандыру аясында 152 ұйымдармен шарттар жасалды, оның 55%-ы жекеменшік.

Медициналық сақтандыру жүйесінде жеткізушілермен бірге медициналық қызметтер көрсетуді іске асыру жалғасуда. 2020 жылы МӘМС енгізумен оңалту және қалпына келтіру көмегін көрсету бойынша медициналық ұйымдардың саны артты. Бүгінгі таңда Алматы қаласы бойынша олардың саны 62-ге жетті,оның 25-і жеке меншік клиникалар. Салыстыру үшін 2019 жылы бұл қызметті кепілді көлем шеңберінде бар болғаны 4 мекеме көрсетті.

ДСБ басшысының айтуынша, бүгінгі таңда барлық медициналық мекемелер тегін медициналық көмектің кепілдік берілген көлемі мен МӘМС аясында азаматтарға уақытылы медициналық көмек көрсету үшін қажетті инфрақұрылыммен жабдықталған.

Пациенттерге ыңғайлы болу үшін қазір барлық медициналық ұйымдар, Қор жеткізушілері МӘМС-ке жарналарды төлеу үшін төлем терминалдарын белсенді түрде орнатуда. Мұндай өзіне-өзі қызмет көрсету аппараттары  МӘМС жүйесінде медициналық қызмет көрсетуді талап ететін, сақтандырылмаған адамға медициналық мекеме ғимаратынан шықпай-ақ  терминал арқылы төлем жүргізуге және МӘМС жүйесінде бірден "сақтандырылған" болуға мүмкіндік береді.

Өз бетінше жұмыспен айналысушылар екі жолмен МӘМС қатысушылары бола алады: ең төменгі жалақының (ЕТЖ) 5%-ын төлей отырып-бұл айына 2 125 теңге. Немесе бірыңғай жиынтық төлем (БЖТ) төлей отырып. Алматы үшін төлем 2 651 теңгені құрайды.


Фото: дереккөз
Загрузка...