Қоянды кентінде құтқару жұмыстары жүргізілуде – ТЖМ

8 Сәуір 2021, 11:37
2063
Бөлісу:
Қоянды кентінде құтқару жұмыстары жүргізілуде – ТЖМ
PHOTO

Нұр-Сұлтан, BAQ.KZ. Елорда маңындағы Целиноград ауданының Қоянды ауылында Ақмола облысы мен Нұр-Сұлтан қаласының құтқарушылары үш тұрғын үйден еріген қар суын сору бойынша авариялық-құтқару жұмыстарын жүргізуде.

Онда қардың қарқынды еруі және еріген судың жиналуы салдарынан үйлер мен аула аумақтарын су басты. Бұл туралы ҚР ТЖМ ресми өкілі Талғат Уәли хабарлады. 

Авариялық-құтқару жұмыстарын жүргізуге ТЖД мен жергілікті атқарушы органдарының күштері мен құралдары жұмылдырылды. Атап айтқанда 49 адам, 17 бірлік техника, 9 бірлік мотопомпа.

Қоянды кентінде құтқару жұмыстары жүргізілуде – ТЖМ

Сонымен қатар Целиноград ауданының Талапкер, Қараөткел, Қоянды, Арайлы, Қаражар, Қызылжар, Ақмол, Қосшы, Қабанбай батыр, Қызылсуат және Жарлыкөл кенттерінде еріген қар суын сору жұмыстары жүргізілуде.

Қоянды кентінде құтқару жұмыстары жүргізілуде – ТЖМ

Бүгін сағат 10.35-те Нұр-Сұлтан қаласынан «Қазавиақұтқару» АҚ МИ-869 тікұшағы су тасқыны жағдайына мониторинг жүргізу үшін әуеге көтерілді. Бағыты Вячаслав су қоймасы-Қоянды-Ильинка- Преображенский су реттегіші. Тікұшақ ернеуінде Ақмола облысы ТЖД, әкімдіктің, Қазақстан Республикасы Экология, геология және табиғи ресурстар министрлігінің, «Қазгидромет» РМК өкілдері бар, - делінген хабарламада.

Қоянды кентінде құтқару жұмыстары жүргізілуде – ТЖМ

Жағдай Ақмола облысы ТЖД басшысы Нұрлан Атығаев пен жергілікті атқарушы органдардың бақылауында.

Айта кету керек, Ақмола облысында қардың еруі салдарынан су басуға жол бермеу үшін елді мекендерде қар шығару жұмыстары жүргізілуде. 

Қоянды кентінде құтқару жұмыстары жүргізілуде – ТЖМ

Жалпы облыс бойынша 447 813,76 текше метр қар шығарылды. 177921,8 текше метр еріген қар суы сорылды.

13482 қапқа инертті материалдар салынып, төселді. 2511 метр бөгет нығайтылды. 128084,61 метр су бұру арналары мен арықтары тазартылды. 2099 метр арналар мен арықтар қалыпқа келтірілді.

Өзгелердің жаңалығы