Бас жаңалықтар
2018 жылы «Көршілер бақылауы» бойынша 11000-нан астам қоңырау қабылданды
23 Қаңтар 2019, 13:34 1224

2018 жылы «Көршілер бақылауы» бойынша 11000-нан астам қоңырау қабылданды

Талдықорған, BAQ.KZ. 2014 жылдан Алматы облысы Полиция департаментінің «Көршілер бақылауы» алдын-алу бағдарламасы өз нәтижесін көрсетуде.

«Аталған бағдарламаны жүзеге асыру құқық тәртіпті қамтамасыз етуде азаматтардың жауапкершілігін арттыруға және құқықбұзушылықтарға "мүлдем төзбеушілік" қағидатын дамытуға мүмкіндік береді»,- деп атап өтті облыстық полицея өкілдері.

Жоба аясында өңірдегі барлық қалалық және аудандық полиция бөлімшелерінде арнайы телефондар орнатылып, келісім-шарт негізінде операторлар жұмыс жасайды. Тәртіп сақшыларының жедел қызметі үшін автокөліктер сатып алынды.

«Былтыр «Көршілер бақылауы» бағдарламасының телефондарына 11 мыңнан астам (11388) хабарлама келіп түскен. Қабылданған қоңыраулар негізінде 6 мыңнан астам (6069) тәртіп бұзушы әкімшілік жауапкершілікке тартылды», - деп хабарлады Алматы облыстық Полиция департаментінің басшысы Мұрат Ұрұмханов.

Сізден жаңалық