Коронавирус: Қазақстанда адам шығыны бар ма?

20 Наурыз 2020, 10:36
5031
Бөлісу:
Коронавирус: Қазақстанда адам шығыны бар ма?

Нұр-Сұлтан, BAQ.KZ тілшісі. Үкімет басшысының орынбасары Ералы Тоғжанов коронавирус инфекциясынан елімізде адам шығыны жоқ екенін айтты.

Короновирус инфекциясы әлемнің 160 еліне таралғаны белгілі. Оның ішінде біздің елімізде 49 адамнан табылды. Нұр-Сұлтан қаласында 25 адам, Алматы қаласында 22 адам және Қарағанды облысында 2 адамда тіркелді. Әр түрлі жалған ақпарат тарап жатыр. Бірақ біздің елде бұл дерттен ешкім өлген жоқ, – деді Ералы Тоғжанов.
Оның айтуынша, карантин енгізілген екі қалаға кіріп-шығу 22 наурызда толығымен тоқтайды.
Төтенше жағдай бойынша мемлекеттік комиссия тәулік бойы жұмысты бақылауда.Маңызды шешімдер 1-2 күннің ішінде қабылданып жатыр. Коронавирус індетінің басқа өңірлерде таралуына жол бермеу. Сондықтан нақты бірнеше шаралар қабылданды. Екі қалада карантин енгізілді. 22 наурыздан бастап, Нұр-Сұлтан мен Алматы қаласында барлық әуе, теміржол, көлік қатынастары тоқтайды. Оған дейін уақыттарыңыз бар. Сондай-ақ мәдениет, өнер, өндіріс ошақтары уақытша жабылды. Тек азық-түлік және дәрі сататын орындар жұмыс істеп тұр, – деді вице-премьер.
Еске сала кетейік, ҚР премьер-министрі Асқар Мамин Нұр-Сұлтан қаласында карантин режимін қамтамасыз ету жұмыстарын тексергені туралы осыған дейін хабарладық. Үкімет басшысы елорда әкімдігінің, полиция және денсаулық сақтау қызметкерлері мен Қарулы Күштердің әскери қызметкерлерінің карантин режимі жағдайында үйлесімді жұмысын қамтамасыз етуді тапсырды.



Өзгелердің жаңалығы