Бас жаңалықтар
Корея жаңбырдан ішуге жарамды су өндіреді
06 Желтоқсан 2019, 02:50 2246

Корея жаңбырдан ішуге жарамды су өндіреді

Нұр-Сұлтан, BAQ.KZ. Оңтүстік Кореяда ауа райы өзгеруіне қатысты жобалар форумында ерекше бір қондырғы көрсетілді, деп хабарлайды 24.kz.

Қондырғы жаңбырдан ауыз су өндіреді. Яғни жаңбыр тамшыларын жинап, фильтрлер арқылы сүзіп тазартады. Мұнан кейін бұл су ішуге жарайды. Қондырғы толығымен бітеу болғандықтан суға күн сәулесі түспей, ол бір жыл бойы пайдалы қасиетінен айырылмайды. Ұзындығы, ені және биіктігі шамамен бір метрдей бұл құрылғы 3 тонна жаңбыр суын өңдей алады. Оны алғаш рет Чиндо аралында қолданған. Бұл жобаға көрші елдер де қызығушылық танытып отыр. 
Бұл құрал-жабдық тау немесе арал секілді жетуге жолы қиын аудандарда орнатылуы мүмкін. Экономикалық жағынан өте тиімді қондырғы. Халықты ауыз сумен қамтамасыз ету үшін үкімет осы жобаға субсидия бөлсе, оны орнату құны едәуір арзандайды. Келесі жылы қорғаныс министрлігінің қаражатына осы қондырғыларымызды Кореяның қарулы күштері қолданады, - деді өндіруші компанияның вице-президенті Ли Вон Ён.




Фото: ашық дереккөз
Загрузка...