Конькимен жүгіруден әлем кубогінде Қазақстан командасы үздік үштікке енді

13 Желтоқсан 2019, 20:51
1758
Бөлісу:
Конькимен жүгіруден әлем кубогінде Қазақстан командасы үздік үштікке енді

Нұр-Сұлтан, BAQ.KZ. Жапонияның Нагано қаласында конькимен жүгіруден әлем кубогінің төртінші кезеңі өтіп жатыр. Командалық спринтте қазақстандықтар 9-орын иеленді. Бұл туралы Olympic.kz сайты хабарлады. 

Роман Креч, Станислав Палкин, Артур Галиев және Артем Крикунов төрттігі 14 команда арасынан 9-шы сатыға тұрақтады. 

Төртінші кезеңде Ресей құрамасы топ жарса, Жапония мен Канада күміс пен қоланы еншіледі.  Ал әлем кубогі төрт кезеңінің қорытындысы бойынша Қазақстан командасы үшінші орын иеленді. 

Біздің құрама еншісінде 290 ұпай бар. Осылайша, Дмитрий Бабенко баптайтын Қазақстан құрамасы жекелеген қашықтықтар бойынша әлем чемпионатына жолдама алды.  Жалпы командалық есепте Нидерланд құрамасы 440 ұпаймен көш бастады. Екінші орында 316 ұпай иеленген Швейцария құрамасы.  

Айта кетелік, бүгін А тобында сынға түскен Роман Креч 500 метрге жүгіруден алтыншы орын алды. 



Өзгелердің жаңалығы