Алматы, BAQ.KZ. Алматы облысы Қарасай ауданы Көксай ауылындағы жеке шаруа қожалықтың қоймасы өртенді.
Алматы облысы ТЖД-нің мәліметінше өрт 20 қыркүйек сағат 10-дар шамасында болған.
Бүгін сағат 10-00-де кезекші байланыс пультіне Алматы облысы Қарасай ауданының Көксай ауылында, Наурызбай батыр көшесі №92 а мекен-жайында «Әмір» шаруа қожалығының аумағында қойма үй-жайында өрт шыққаны туралы хабарлама келіп түсті. Бірінші өртке қарсы бөлімшелер орнына келгеннен кейін қойма үй-жайында ауыл шаруашылығы техникасынан құрылыс материалдары мен шиналар жанып жатқаны анықталды, шамамен 250 шаршы метр алаңда,-делінген хабарламада.
Қаскелең қаласының өрт сөндіру бөлімінен шақыру орнына дейінгі қашықтық 18 километрді құрайды екен.
Автожолда автомобильдердің көптігінен кептелісінің болуына байланысты өрт сөндірушілер оқиға орнына сағат 10:33-те жеткен.
Өрт сағат 10:50-де сөндірілді. Өрттің шығу себебі анықталуда. Қаза тапқандар мен зардап шеккендер жоқ. Өртті сөндіруге Алматы облысы ТЖД және Алматы қаласы ТЖД 26 қызметкері мен 5 техникасы жұмылдырылды,-делінген хабарламада.
