«Кировец» көш бастап тұр

15 Қаңтар 2021, 18:01
1470
Бөлісу:
«Кировец» көш бастап тұр

Нұр-Сұлтан, BAQ.KZ. 2000 жылдан бастап 2020 жылға дейінгі хронологияны алатын болсақ, 2020 жыл Қазақстан Республикасы аумағында «Кировец» тракторларын сату жоспарында ең өнімді жыл болды. 2020 жылдың қаңтарынан желтоқсанына дейін 15 миллиард теңгеден астам шарттар жасалды, яғни өткен жылы 318 трактор сатылды. 2019 жылмен салыстырғанда, Қазақстан бойынша сатылым 39%-ға артты.

ҚТЗ директоры Динара Шукижанова атап өткендей, 2020 жыл оқиғалы және ауыр жыл болды, яғни пандемияға қарамастан, өндіріс көлемін орындау мүмкіндігіне жеткен.

Қостанай трактор зауыты - бұл Қазақстандағы қуатқа қанық «Кировец» тракторларын ресми өндіруші болып табылады. 2020 жылы зауыт өзінің алғашқы туған күнін атап өтті, ал бүгінде отандық өндірістің «Кировец» тракторы еліміздің нарығында сенімді түрде өз орнын алады. Пандемия мен әлемдегі қазіргі жағдай бізді өндіріс жағынан да, Санкт-Петербург трактор зауыты қабырғасында жұмысшыларымыздың оқудан өтулерін де тоқтата алмады. Яғни, бұл оқу қостанайлық мамандардың мүмкіндіктерін түбегейлі өзгертті. Егер бұрын, мысалы, бізде пластикалық бөлшектерді шығару тәжірибемізде болмаса, ал енді биылғы қыркүйектен бастап біздің зауытта жоба сәтті түрде бастау алды. Енді, біз өзіміз пластиктен: қалақбастар, газ шығаратын түтіктің қорғаныстық қаптамасын, аккумулятор батареяларының қақпақтарын және т.б., сондай-ақ жақын арада трактордың пластикті ең күрделі бөлшектерінің бірі – капотты жасай алатын боламыз. Бұл, тек бастамасы. Біз одан әрі көлемді ұлғайтып, оқшаулауды жалғастыратын боламыз, - дейді Динара Шукижанова.

Кез келген өндіруші үшін ең жақсы сыйақы - бұл клиенттің таңдауы мен сенімі. 2020 жылы «Халықтың сүйіктісі» ұлттық сыйлығының жеңімпаздары Нұр-Сұлтанда салтанатты түрде марапатталды, олардың арасында Қостанай трактор зауыты да болды. «Кировец» «Халық тракторы» аталымы бойынша ұлттық сыйлықты жеңіп алды.

Бүгінгі таңда Қостанай трактор зауыты сапалы өнімдерді ұсынып қана қоймай, оларды қолжетімді етеді, бұл «Өнеркәсіптік даму қоры» АҚ және «ҚазАгроҚаржы» АҚ-мен бірлесіп тұтынушыларға қолайлы жағдай туғызады, нәтижесінде жеңілдетілген қызметтердің кең спектрімен «Кировец» тракторларын сатып ала аласыз.

Мысалы, 2020 жылы пандемия кезінде «Индустриялық даму қоры» АҚ пилоттық жобаны іске қосты. Дағдарысқа қарсы жоспардың лизингтік бағдарламасының арқасында сатудың 70% -ы осы шарттарға байланысты қамтамасыз етілді - бұл жылдық 6% және алғашқы жарна жоқтылығы. Жоба сәтті, ал сұраныс жоғары болып шықты, сондықтан оны биыл ұзарту жоспарланып отыр.

«ҚазАгроҚаржы» АҚ да қалыс қалмады, яғни техника өндірушілері үшін 6% мөлшерлемемен қамтамасыз етті.

Қостанай трактор зауытының директоры Динара Шукижанованың айтуынша, жаңа жылы шығарылатын тракторлар қатары кеңейеді - К-5 сериялы тракторды енгізу жоспарланып отыр. K-5 сериялы трактордың қуаты 250 а.к. құрайды. 

Сонымен қатар, Қостанай трактор зауытының сату бөлімінің бастығы Әлібек Құлмурзинов бөліскендей, 2021 жылы К-7 сериялы тракторлар шығарумен қатар, келесі модификациялар да енгізілетін болады: K-735 Премиум, K-740 Премиум K-742 Премиум. Бұл модельдер номинал қуаттылығы жоғары Mercedes маркалы қозғалтқыштармен жабдықталатын болады.


Өзгелердің жаңалығы