Бас жаңалықтар
Жүзден астам киікті қырған браконьерлердің қатарында табиғат қорғаушылар да бар
26 Наурыз 2019, 18:43 288

Жүзден астам киікті қырған браконьерлердің қатарында табиғат қорғаушылар да бар

Нұр-Сұлтан, BAQ.KZ. Қарағанды және Ақмола облыстарында жүзден астам киік атқан браконьерлер ұсталды. Бұл туралы Қазақстан Республикасы ІІМ баспасөз қызметі хабарлады.

"17 наурызда Ақмола және Қарағанды облыстарында мүйіздері кесілген жүзден астам өлі киік табылды. Осы фактілер бойынша сотқа дейінгі тергеу басталды және тәжірибелі полиция қызметкерлері мен кинологтардан арнайы жедел-тергеу тобы құрылды. Полиция қызметкрелері киікті жаппай атты деген күдікпен бір топ адамды, оның ішінде Ауылшаруашылық министрлігінің «Охотзоопром» республикалық мемлекеттік қазыналық кәсіпорынның инспекторын ұстады. Күдіктілерге қатысты сот шешімімен «қамауда ұстау» жазасы қолданылды" - делінген хабарламада.

Күдіктілердің тұратын жерлерін тінту барысында қылмыс қарулары, сондай-ақ киік мүйіздері алынды. Тергеу жалғастырылуда.

Сізден жаңалық