Бас жаңалықтар
Киберқарулар террористік мақсатта қолданылар болса, үрей туғызады – Бужинский
PHOTO
11 Қараша 2019, 14:56 817

Киберқарулар террористік мақсатта қолданылар болса, үрей туғызады – Бужинский

Нұр-Сұлтан, BAQ.KZ тілшісі. "Үлкен Еуразия: жаһандық ынтымақтастықтың жаңа құрылымы жолында" тақырыбында өтіп жатқан жыл сайынғы "Астана клубының" V отырысында ПИР-орталығының төрағасы, генерал-лейтенант Евгений Бужинский технологиялық үстемдік жарысының жаңа кезеңі туралы айтты.

Киберқарулар қауқары жағынан ядролық қарудан да асып түсуі мүмкін. Бұл саланы қалай реттеуді әзірге ешкім білмейді. Бөліп жару қиын, мемлекет пе, әлде мемлекеттік емес құрылым ба. Сол себепті киберқарулар террористік мақсатта қолданылатын болса, әрине бұл қорқынышты. Қазір онсыз да сенім аз. Ресей Федерациясының батыс серіктестерімен, бірінші кезекте АҚШ пен арадағы сенімді айтуға болады. Мұнымен қоса кибершабуылдар жүріп жатыр.  АҚШ-тағы сайлауға Ресейдің араласуы туралы түсініксіз әңгіме бар. Мемлекет араласты деп айтып жатыр. Егер қандайда бір араласу болса бұл сөзсіз мемлекет емес. Киберден басқа жасанды интеллект секілді цифрлық қарулар барын атап өтті, - деді ол. 
буж1.jpeg

 11-12 қараша күндері "Назарбаев Орталығында" әлемнің жетекші дипломаттары мен саясаткерлерінің және сарапшыларының басын біріктірген саяси форум түріндегі халықаралық беделді пікірталас алаңы - "Астана Клубының" бесінші отырысы өтуде. Клубты ұйымдастырушылар: Қазақстан Республикасы Тұңғыш Президенті – Елбасының Қоры және Әлемдік экономика және саясат институты.

буж2.JPG

Осыған дейін АҚШ-тың Азияға ракеталарын орналастырудан төнетін қауіп қандай екені туралы жазғанбыз. Сондай-ақ, халықаралық институттардың потенциалы төмендеп бара жатқаны туралы сарапшы пікірін осыған дейін жариялағанбыз.

наз.JPG



Фото: Артём Чурсинов
Загрузка...