Бас жаңалықтар
Халық қаһарманы Ғазиз Байтасовты еске алу шеруі өтті
PHOTO
12 Қараша 2019, 21:04 417

Халық қаһарманы Ғазиз Байтасовты еске алу шеруі өтті

Нұр-Сұлтан, BAQ.KZ. Бүгін Жамбыл облысы полиция департаментінде полиция капитаны, Халық қаһарманы Ғазиз Байтасовты еске алу шеруі өткізілді.

Еске алу іс-шарасына облыстық полиция департаменті басшылығы және жеке құрамы, Тараз қаласының әкімі Қайрат Досаев, ішкі істер органдары ардагерлері мен батырдың туған-туыстары және Төле би атындағы №8 мектеп- гимназиясының кадеттік сынып оқушылары қатысты.

WhatsApp Image 2019-11-12 at 16.20.14 (2).jpeg

Ел бейбітшілігі мен қауіпсіздігі жолында қаза болған әрбір полиция қызметкері Қазақстан Республикасы ішкі істер органдары тарихында ерекше құрметпен сақтаулы. Олардың ішінде террористі құрықтау кезінде өз кеудесін оққа тосып, көзсіз ерлік көрсеткен полиция капитаны Ғазиз Байтасов есімі айрықша орын алады, - деді Жамбыл облысы полиция департаментінің бастығы, полиция полковнигі Арман Оразалиев.
Бүгінгі күні ІІМ-нің барлық құрылымдық бөлімдерінде Ғазиз Байтасов ерлігіне арналған бұрыш қойылған. Оның жанқиярлығы кейінгі ұрпаққа, ішкі істер органдарына жаңа аяқ басқан әрбір қызметкерге, әріптестеріне мәңгілік үлгі-өнеге болып қала бермек.

WhatsApp Image 2019-11-12 at 16.20.14 (3).jpeg

Сондай-ақ, ағымдағы жылдың сәуір айында Тараз қаласындағы батырдың есімі берілген көшеде мемориалдық тақта орнатылды. Жамбыл облысы полиция департаментінің бастамасымен және Ғ.Байтасов білім алған Әл-Фараби атындағы ҚазҰУ басшылығының қолдауымен заң факультетінің аудиториясына есімі берілді. Бүгінде аталған жоғары оқу орнында батырдың ұлы Арманжан білім алуда. 

Халық қаһарманы Ғазиз Байтасовтың жары Гүлжамал Тажиева жиналғандарға бейбітшілік пен тыныштық, ал полиция қызметкерлеріне қызметтерінде абыройлы болып, аман болуға тілектестігін білдірді.

WhatsApp Image 2019-11-12 at 16.20.14.jpeg

Шара барысында сөз алған Облыстық ішкі істер органдары ардагерлер кеңесінің және Ұлттық Ұлан төрағасы, отставкадағы полковник Тұрдалы Шералин өз сөзінде алдағы күндері ҚР ІІМ-нің ғимараты алдында Даңқ аллеясы ашылатынын және сол жерде Ұлы Отан соғысы батырларымен қатар Халық қаһарманы Ғазиз Байтасовтың бюсті де қойылатынын баяндады.

WhatsApp Image 2019-11-12 at 16.23.49.jpeg

Іс-шара соңында Полиция академиясының жас мүшелері салтанатты түрде ант қабылдап, департамент бастығының қолынан куәліктерін алуы да ерекше маңызды болды. Олар да алдағы уақытта ержүрек полицейлердің лайықты ізбасарлары болып, барлық жамбылдық полицейлердің даңқты дәстүрлерін жалғастыратын болады деп сеніммен айтуға болады.



Фото: дереккөз
Загрузка...