Бас жаңалықтар
ҚХА 25 жыл: Мерекелік медальдар табысталды
28 Қыркүйек 2020, 20:00 116

ҚХА 25 жыл: Мерекелік медальдар табысталды

Нұр-Сұлтан, BAQ.KZ. Бүгін, елордалық Достық үйінде «Қазақстан халқы Ассамблеясына 25 жыл» мерекелік медальдарын тапсыру рәсімі өтті.

Салтанатты шараға Ассамблеяның қызметіне үлкен үлес қосқан Қазақстан халқы Ассамблеясының өкілдері қатысты.

Марапаттау рәсімін аша отырып, Нұр-Сұлтан қаласы ішкі саясат басқармасының басшысы Талғат Рахманберді марапат иелеріне Қазақстан халқы Ассамблеясының қызметіне қосқан ерекше үлесі үшін алғыс айтты. Уақыт талабына қарамастан, сіздер этносаралық келісімді нығайту бойынша өз жұмыстарыңызды онлайн-режимде атқарғандарыңызды білеміз. Өз игі істеріңізбен сіз ұлтқа, жасқа және қызмет түріне қарамастан, қиын сәтте біртұтас халық ретінде әрекет ете білдіңіздер, - деп атап өтті Талғат Рахманберді.

Карантин жағдайына қарамастан, елордалық Ассамблея қоғам қайраткерлері мен шетелдік өкілдердің қатысуымен 93 іс-шара, оның 70-ін онлайн-режимде өткізді.

Талғат Рахманберді қала Ассамблеясы қызметінің басты бағыттарының бірі қайырымдылықты дамыту екенін атап өтті. Ағымдағы жылдың бірінші жартыжылдығында елордалық Ассамблея жалпы сомасы 36313,0 мың теңгеге 70 акция ұйымдастырғанын еске сала кетейік.

Елордалық Ассамблея мәртебесі этномәдени бірлестіктердің мүшелеріне үлкен жауапкершілік жүктейді. Біз бірге ортақ іс жасаймыз – тәуелсіз Қазақстанды дамытамыз!, - деді ішкі саясат басқармасының басшысы.


Фото: дереккөз
Загрузка...