Керекуде болашақ журналистер жарысы өтуде

16 Сәуір 2019, 11:21
1537
Бөлісу:
Керекуде болашақ журналистер жарысы өтуде
Фото: BAQ.KZ

Павлодар, BAQ.KZ. Биыл дәстүрлі түрде өтетін журналистика мамандығы бойынша студенттер арасындағы ХІ республикалық пәндік олимпиада Павлодар қаласында жалғасын тапты.

Болашақ БАҚ өкілдері бақталасатын бұл жарысқа еліміздің жоғары оқу орындарынан 17 құрама қатысуда. Кіл мықтыдан кім мықтыны анықтау үшін бағы мен бабын бағушылар жалпы 5 кезең бойынша шеберліктерін көрсетуі шарт. Олар жарыс ережесіне сай қазылар алқасының ұпайларымен бағаланады.

Керекуде болашақ журналистер жарысы өтуде

Байқау аясында қатысушылар тек жарысып қана қоймай, Кереку жерінің көркіне куә болады. Осы орайда оларға арнайы экскурсия да ұйымдастырылды. Саяхат барысында командалар Ауған соғысы ардагерлері аллеясы мен Сұлтанмахмұт Торайғыров саябағының және әйгілі Мәшһүр Жүсіп мешітінің тарихымен танысты.

Керекуде болашақ журналистер жарысы өтуде

Cонан соң Бұқар жырау атындағы әдебиет және өнер мұражайына бағытты бұрған байқаушылар, қаланың басқа да мәдени ошақтарын аралады.

Керекуде болашақ журналистер жарысы өтуде

Айта кетейік, болашақ тілшілер додасы әлі де жалғасуда. Жүлдегерлер жарыс соңында анықталып, арнайы сыйлықтармен маратталатын болады.

 



Өзгелердің жаңалығы