Кербұлақ ауданында көмір тапшылығы жоқ – аудан әкімі
01 Қараша 2021, 10:05 307

Кербұлақ ауданында көмір тапшылығы жоқ – аудан әкімі

Алматы, BAQ.KZ. Алматы облысы Кербұлақ ауданы Сырыөзек ауылында көмір тиеу кезінде әйелдің трактор жүк тиегішіне шығып алған оқиғаның бейнежазбасы әлеуметтік желілерде тарап кетті.

Бұған дейін Алматы облысының тұрғыны көмір тапшылығынан жүк тиегіштің көтергішіне мініп алғанын хабарлаған едік.

Кербұлақ ауданының әкімдігі бұл жағдайға қатысты түсініктеме берді.

Халықтан дүрлікпеулерін сұраймыз. Иә, интернетте әйелдің жүк тиегіш көліктің көтергішіне мініп алған бейнесі тарады. Мұның бәрі арандатушылық болды. Бүгінгі таңда Кербұлақ ауданының тұрғындарына көмір сатуды 2 тұйық жүзеге асырады: «Санчез» ЖК (Шұбаркөл), «СаудаКөмір» ЖШС (Қаражыра). Қазан айында Сарыөзек бекетіне 42 вагон жеткізілді. Бүгінде Сарыөзек станциясында 10 вагон бар. Барлығы кезекті сақтау арқылы жүзеге асырылуда, - деп атап өтті Кербұлақ ауданының әкімі Ғалиасқар Сарыбаев. 

Айта кетейік, Кербұлақ ауданының тұрғындарына жылу беру маусымына көмір қажеттілігі 74 мың тоннаны құрайды, оның ішінде 52,8 мың тоннасы немесе 71% сатылды.

Мәліметке сүйенсек, Алматы облысында тәулігіне орташа есеппен 90 вагон көмір түседі. Бүгінгі таңда 926,3 мың тонна, яғни 68% қатты отын сатылды, қоймаларда жазғы кезеңнен қалған қалдық 13,3 мың тоннаны құрайды.

Өңірде 77 көмір тұйығы мен қоймасы бар, оның ішінде 50 тұйық, 27 қойма және Райымбек ауданында «Ойқарағай» көмір разрезі бар.
Алматы облысы бойынша көмірдің орташа бағасы 14-14,5 мың теңгені құрайды. Теміржол қатынасы жоқ өңірлерде көмір жақын маңдағы тұйықтардан автокөліктермен жеткізіледі, бұл жеткізілетін көмірдің бағасына да әсер етеді. Мұндай өңірлерде жеткізу қызметін есепке алмағанда баға 19-20 мың теңгеге дейін барады.

Аудандар мен қалалардың әкімдіктері жаз мезгілінде тұрақты негізде қатты отынды алдын ала сатып алу қажеттілігі туралы түсіндіру жұмыстарын жүргізді.

Осылайша, ауа райының нашарлауымен облыстың көмір қоймалары мен тұйықтарына сатып алушылардың ағыны басталды және тиісінше осы жеткізілетін көлем қатты отын сатып алғысы келетіндердің барлығының сұранысын бір мезетте қанағаттандыру үшін жеткіліксіз болды, бұл көмірдің жасанды «тапшылығына» алып келген.


Көмір тапшылығын болдырмау мақсатында көмірді жеткізу жоспарлары жасалды. Күн сайын «ҚТЖ - Жүк тасымалдары» АҚ-мен бірлесіп, БП Алматы бөлімшесі көмір разрездерінен көмірді тиеуге және олардың тұйықтарда болуына мониторинг жүргізеді.Тұрғындар арасында түсіндіру жұмыстары жүргізіліп, темір жол қатынасы жоқ аудандарға автокөліктермен көмір жеткізу ұйымдастырылды. Көмір бағасының негізсіз көтерілуіне жол бермеуге ерекше көңіл бөлінеді, - делінген Алматы облысы әкімдігі таратқан мәліметте.


Фото: ашық дереккөз
Загрузка...