Бас жаңалықтар
Қазандағы оқиғадан кейін депутаттар Қазақстан мектептеріндегі күзетті күшейтуді сұрады
12 Мамыр 2021, 12:44 1845

Қазандағы оқиғадан кейін депутаттар Қазақстан мектептеріндегі күзетті күшейтуді сұрады

Нұр-Сұлтан, BAQ.KZ тілшісі. «Ақ жол» фракциясының депутаттары Премьер-министр Асқар Маминге еліміздегі білім беру нысандарын күзетуді күшейтуді ұсынды.

Кеше Қазан қаласындағы мектепте болған қайғылы оқиға бәрімізді шошытты. 19 жастағы қылмыскер қолынан оқушылар мен мұғалімдер құрбан болды. Зардап шеккендердің туыстары мен жақындарына қайғырып көңіл айтамыз, - деді депутат.

Ол елдегі мектептер мен мектепке дейінгі мекемелердің терроризмге қарсы қауіпсіздігі туралы заңнамадағы талаптарға тағы бір рет назар аудару қажеттігін айтты.

Мектептердегі күзет функцияларын көбінесе зейнет жасындағы вахтерлар орындайды, олармен сыпайы және сенімді сөйлесу кейде ғимаратқа кедергісіз кіру үшін жеткілікті. Егер жаман ниеті бар адам келсе, оның алдында қарт күзетші тұрғанда қандай қарсылықты сезінеді? Осыған ұқсас мәселелер өте көп. Неліктен бүгінде көптеген мемлекеттік ғимарат алынбайтын бекініс сияқты әскерилендірілген күзет пен кез келген агрессивті адамдардың шабуылына төтеп бере алатын бес метрлік қоршаулары бар, ал мектептер, мектепке дейінгі мекемелер мен олардың аумақтары аулалар сияқты? – деп айтты Андрей Линник. 

Ол елдегі мектептерде терроризмге қарсы жаттығулар қаншалықты жиі өткізіліп тұратындығы туралы сұрақты да көтерді.

Өкінішке қарай, Қазан қаласында болған оқиға жалғыз емес. Егер сол жерге мектеп аумағына бөгде адам кірген болса, онда әр түрлі елдерде мұндай қатыгездіктерді мектеп оқушылары өздері, әлеуметтік желілер мен компьютерлік ойындардың әсерінен жасайтын жағдайлар да аз емес, - деп айтты депутат.

Осыған байланысты, ҚР Парламенті Мәжілісінің депутаттары сауал жолдады.

1. Оқушылардың сыйымдылығына қарамастан, білім беру объектілерінің терроризмге қарсы қорғалу жүйесіне қойылатын талаптарды жабдықтау арқылы қайта қарау. Атап айтқанда, дабыл беру жүйелері, бейнебақылау және дабыл жүйелері, жеке күзет компаниясының арнайы оқытылған қызметкерлерінің күзет бекеттері, бақылау-өткізу пункттері және металл іздегіштер;

2. Қоғамдық орындарды күзететін күзет қызметтерінің қызметкерлеріне қару ұстауға және оларға мүліктік кешенді ғана емес, адамдардың қауіпсіздігін де күзетуді жүзеге асыру міндетін жүктеуге рұқсат етілсін;

3. Мектеп психологтары мен учаскелік инспекторлардың жұмысын күшейту;

4. Атыс қаруын алып жүруге, сақтауға рұқсат беруге бақылауды қатаңдату. Яғни лицензия беру жасын 18 жастан 24 жасқа дейін арттыру, сондай-ақ қарудың лицензиясын алу кезінде психикалық денсаулықты және есірткіге тәуелділікті бақылау үшін бақылаудың барабарлығын, қатаңдығын және дәрігерлердің жауапкершілігін арттыру арқылы жүзеге асырылады.


Фото: дереккөз
Загрузка...