Бас жаңалықтар
Қазақстанда бірегей сынақ орталығы ашылды
PHOTO
13 Мамыр 2021, 13:03 709

Қазақстанда бірегей сынақ орталығы ашылды

Нұр-Сұлтан, BAQ.KZ тілшісі. Сауда және интеграция министрі Бақыт Сұлтанов жаңғырықсыз камерасы бар бірегей сынақ орталығының ресми ашылуына барды.

Үкіметтің алдына қойған маңызды тапсырмалардың бірі – экономиканы әртараптандыру. Оны әртараптандыру үшін біз әр өнімнің бәсекеге қабілеттігін арттыруымыз керек. Сондықтан әрбір өндіруші мен өнімнің сапасына ерекше мән беріліп жатыр. Бүгін ашылып жатқан сынақ зертханасы әр өнімнің сапасын көрсетуге мүмкіндік береді. Мұндай зертхана тек 15 елде ғана бар. Біз сол 15 елдің қатарына қосылып жатырмыз, - деді Бақыт Сұлтанов. 

Министр атағандай, дайын өнімші өндірушілер сынақ зертханасы арқылы өнімдерінің сапасын тексере алады.


Бұл да шикізаттық емес экспортты қолдау аясындағы шаралардың бірі. Сайда және интеграция министрлігіне метрология және стандарттау қызметі берілген. Сондықтан бұл бағыттар экономиканың негізі болып табылады. Өнімнің сапасы мен қауіпсіздігін жетілдіру осындай сынақтардан өткен соң жүзеге асырылады, - деді Сұлтанов. 

Оның айтуынша, зертханадан сертификат алған өнімдер халықаралық деңгейде мойынадалады.


Бұл үлкен инвестиция мен қаражатты қажет етеді. Сондықтан біз экономиканы әртараптандыру бойынша қадамдар жасап жатырмыз. Біздің стандарттар ТМД елдерінде үздік болып есептеледі. Біз әлемдік стандарт бойынша жұмыс істейміз. Бұл стандарттарға сай келсе, өнімдердің бәсекеге қабілеттігі артады, - деді ол. 

Ал «Қазстандарт» МКМ бас директорының орынбасары Жанат Бегайдаровтың айтуынша, кешен бірегей болып табылады.

ТМД аймағында мұндай кешен жоқ. Әлемде тек 15 осындай орталық бар. Ресейде ашық полигондар арнайы антенналар бойынша жұмыс істейді. Ол далада болған соң маусымдық жұмыс істейді. Бұл жерде кез келген маусымда жұмыс істей беруге болады. Автомобиль, камаз сынды көліктерді кедергісіз сынақтан өткізе аламыз, - деді Бегайдаров. 

Оның айтуынша, тұтынушылар ауқымы кеңейген, сынақ екі техникалық регламент бар.


Техникалар екі сынақтан өтеді. Сондықтан өндірушілерден бастап, тұтынушыларға дейін бізге жүгінеді. Олар пайдаланылатын өнімдердің сапасы қандай екенін білгісі келеді. Егер тексерістерден кейін автокөлік сынақтан өтпесе, өндірушіге жетілдіру үшін қайта бағытталады. Кешеннің құрылысына Англия, Түркия, Ресей мамандары атсалысты. Себебі кешен тек бір ғана компанияның өнімі емес. Бір компания арнайы камералы шатырды жасақтаса, енді біреуі айналатын едендерді жасады. Кешен құрылысына екі жыл кетті. Оның құны млрд-қа жуық болады, - деді ол. 

Бегайдаров айтқандай, кешеннің қызметкерлері арнайы оқытудан өткен.


Оның біреуі Томск университетінен арнайы оқуды тәмамдады. Қазіргі қызметкерлеріміздің барлығы бірегей оқудан өтті. Кешен толыққанды іске биыл қосылды. Қазір бірқатар компания бізден сынақ өтуге ниетті, - деді ол. 

Мамандардың айтуынша, сынақ орталығының мақтанышының бірі – қалта компьютерлері мен ұялы телефондардан бастап ірі габаритті техникаға дейін -түрлі техникаларды жоғары дәлдікпен және ұлттық, халықаралық стандарттарға сәйкестігін сынауға мүмкіндік беретін Жаңғырықсыз Экрандалған камера (ЖЭК) болып табылады.


ЖЭК өнімдерді электромагниттік үйлесімділік бойынша сынауға арналған-сәулеленетін радио кедергілерінің деңгейін және олардың
әсеріне төзімділігін анықтау. 

Олар ЕАЭО және басқа елдердің нарығына қол жеткізу үшін міндетті талаптарға сәйкестікті растау үшін, сондай-ақ техниканың техникалық деңгейі мен сапасын арттыру үшін қажет. Бұл бірегей нысан машина жасау, электр энергетикасы, электротехника және оптика үшін аса маңызды құрамдас бөлік болып табылады. Осы сынақ орталығы жалпы салмағы 16 тоннаға дейін және габариттік өлшемдері 30 х 21 х 10 м барлық санаттағы көлік құралдарын қабылдауға қабілетті.






Фото: Мақсат РЫСБЕКОВ
Загрузка...