Қазақстан өкілдері ЮНЕСКО-ның 75 жылдығына орай салтанатты іс-шараға қатысты
14 Қараша 2021, 12:07 56

Қазақстан өкілдері ЮНЕСКО-ның 75 жылдығына орай салтанатты іс-шараға қатысты

Нұр-Сұлтан, BAQ.KZ. ЮНЕСКО Бас конференциясының 41-ші сессиясы шеңберінде Қазақстанның Франциядағы елшісі, ЮНЕСКО жанындағы тұрақты өкілі Жан Ғалиев Білім, ғылым және мәдениет жөніндегі БҰҰ-ның 75 жылдығына арналған арнайы рәсімде сөз сөйледі.

Іс-шараға әлемнің 24 елінің мемлекет және үкімет басшылары, сыртқы істер, білім және мәдениет министрлері, сондай-ақ мүше мемлекеттердің елшілері мен тұрақты өкілдері қатысты. Бұл туралы Сыртқы істер министрлігінің баспасөз қызметі хабаралды.

Мәртебелі жиынға арнаған сөзінде елші Қазақстан Республикасы тәуелсіздігінің 30 жылдығын атап өту жылында өтіп жатқан іс-шараның ерекше мәні бар екенін атап өтіп, еліміздің тұрақты және прогрессивті мемлекет құрудағы негізгі жетістіктерін атап өтіп, әріптестік рухында ЮНЕСКО шеңберіндегі сындарлы ынтымақтастықтың одан әрі қарышты дамуына үміт білдірді.

Сонымен қатар, ол ЮНЕСКО-ның Бас директоры ретінде жаңа мерзімге сайлануына байланысты Одрэ Азулені құттықтай отырып, Қазақстан басшылығының осы беделді халықаралық ұйым мен оның негізгі органдарының дәйекті жұмысына қолдау көрсететінін мәлімдеді.

Тұрақты өкіл ЮНЕСКО басшылығын 2022 жылғы қыркүйекте Нұр-Сұлтан қаласында өтетін Әлемдік және дәстүрлі діндер лидерлерінің VII съезіне шақырды.

Қазақстанның ЮНЕСКО-ның халықаралық тізіліміне мәдени және табиғи мұраның әртүрлі нысандарын енгізу жөніндегі белсенді қызметін атай отырып, Елші Қазақстан Үкіметінің ЮНЕСКО-ның конвенциялық құжаттарына сәйкес өз аумағында Дүниежүзілік мұра ескерткіштеріне кешенді қорғауды қамтамасыз ету бойынша тұрақты жұмыс атқаруға нық ниетін растады.

Ж. Ғалиев Қазақстанның бастамаларын қолдағаны үшін ЮНЕСКО-ға мүше мемлекеттерге алғысын білдіріп, Дүниежүзілік мұра комитетіне еліміздің 2023-2027 жылдарға арналған кандидатурасын қолдауға шақырды.


Фото: ашық дереккөз
Загрузка...