Нұр-Сұлтан, BAQ.KZ. 7 желтоқсан, дүйсенбі күні еліміздің 10 қаласында ауа сапасы ластануы мүмкін, деп хабарлайды «Қазгидромет» РМК.
Синоптиктердің мәліметінше, бүгін Ақтөбе, Қарағанды, Қызылорда, Нұр-Сұлтан, Павлодар, Петропавл, Семей, Өскемен, Шымкент және түнде Көкшетауда қолайсыз метеожағдай қалыптасады.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ кезінде елді мекендердегі атмосфералық ауаның сапасы нашарлауы ықтимал.
