Бас жаңалықтар
Қазақстан бұл сапарға үлкен мән береді – Тоқаев
11 Қыркүйек 2019, 11:02 366

Қазақстан бұл сапарға үлкен мән береді – Тоқаев

Нұр-Сұлтан, BAQ.KZ. Қазақстан президенті ҚКП ОК Саяси бюросының мүшесі Ян Цзечимен кездесті, деп хабарлады Ақорданың ресми сайты.

Президент Қасым-Жомарт Тоқаевтың Қытай Халық Республикасына екікүндік мемлекеттік сапарын ҚКП ОК Саяси бюросының мүшесі, ҚКП Сыртқы істер жөніндегі жетекші топ Канцеляриясының бастығы Ян Цзечимен кездесуден бастады.

Кездесу барысында Мемлекет басшысы Ян Цзечи мырзаны бұрыннан білетінін, оның ҚКП сыртқы істер министрі лауазымындағы табысты қызметімен бұған дейін де жіті таныс екенін атап өтті. Президент бұл сапардың Қазақстан үшін өте маңызды екенін де айтты.

кит.JPEG

"Біз Қытайды көршілес әрі достық қарым-қатынастағы мемлекет деп есептейміз. Сондай-ақ, әлемдегі экономикасы дамыған екінші ел екенін де негізге аламыз.  Қазақстан бұл сапарға үлкен мән береді. Біз Қазақстанның Азиядағы іс-қимыл және өзара сенім шаралары жөніндегі кеңес пен халықаралық аренадағы басқа да бастамаларын қолдағаны үшін Қытай мемлекетіне ризашылық білдіреміз. Экономикалық ынтымақтастыққа келер болсақ, оның стратегиялық сипаты бар. Тұңғыш Президентіміз Нұрсұлтан Назарбаев пен Төраға Си Цзиньпин қол жеткізген уағдаластықтар одан әрі дами береді", – деді Мемлекет басшысы.

кит2.JPEG

Ян Цзечи Қасым-Жомарт Тоқаевты биылғы маусымда Қазақстан Президенті лауазымына сайлануымен құттықтады. Оның айтуынша, сайлаудағы жеңіс – Қазақстан халқының жоғары сенімінің көрсеткіші. Ян Цзечи Қазақстан Президентінің бұл сапары екі ел арасындағы жан-жақты стратегиялық серіктестікке тың серпін беретінін мәлім етті. 


Фото: Бауыржан ЖУАСБАЕВ
Загрузка...