Нұр-Сұлтан, BAQ.KZ. Катарда ел тарихында тұңғыш рет консультативтік кеңеске - парламент функцияларын орындайтын Аш-Шура мәжілісіне сайлау аяқталды. Бұл туралы korrespondent.net хабарлады.
Елдің Ішкі істер министрлігінің мәліметінше, 30 кеңес мүшесін сайлауға қатысу 63,5%-ды құрады. Кеңестің тағы 15 мүшесін билеуші әмір тағайындайды.
Аш-Шура Мәжілісі заң шығарушы билікке ие болады және жалпы мемлекеттік саясат пен бюджетті бекітеді, бірақ қорғаныс, қауіпсіздік, экономикалық және инвестициялық саясатты шешуге құқылы болмайды.
Кеңестегі 30 орынға 233 кандидат, оның ішінде 26 әйел сайысқа түсті, бірақ олардың ешқайсысы жеткілікті дауыс жинай алмады.Сайлау кезінде бүкіл ел бойынша ерлер мен әйелдер әр түрлі сайлау учаскелерінде дауыс берді.
DW мәліметі бойынша, Катарда саяси партияларға тыйым салынған және бұған дейін муниципалды сайлау өткізілген. Алайда 2003 жылғы референдумда азаматтар консультативтік ассамблея мүшелері үшін жалпыхалықтық дауыс беруді көздейтін жаңа конституцияны қабылдады. Соған қарамастан, түрлі себептермен сайлау кейінге шегерілді. Жақында ғана Катар әмірі шейх Тамим бин Хамад Аль Тани сайлау туралы заңды мақұлдады.
Human Rights Watch құқық қорғау ұйымының мәліметінше, мыңдаған Катар азаматтары сайлауға жіберілмеген. Елде сайлау заңына қарсы наразылық акциялары өтті, оның 15 қатысушысы қамауға алынды.Еске сала кетейік, кеше Катарда алғаш рет Парламент сайлауы өтіп жатқаны туралы хабарлаған болатынбыз.
