Қасым-Жомарт Тоқаев түрік халқына алғыс айтты

12 Қараша 2021, 19:13
1247
Бөлісу:
Қасым-Жомарт Тоқаев түрік халқына алғыс айтты

Нұр-Сұлтан, BAQ.KZ. Түркі кеңесі мемлекет басшыларының VІІІ Саммитінде Қазақстан Президенті Қасым-Жомарт Тоқаев қазақ халқы үшін аса маңызды мәселеге тоқталып, қиын-қыстау замандарда қазаққа құшағын жайған түрік халқына алғыс айтып, осы елдің мемлекет қайраткері Аднан Мендерестің рухына тағзым етті.

Бұл туралы мемлекет басшысының баспасөз хатшысы Берік Уәли әлеуметтік желіде жазды.

Қасым-Жомарт Тоқаев түрік халқына алғыс айтты


Мен бүгін тағы бір өте маңызды тарихи оқиға туралы атап өткім келеді. Бұл өткен ғасырдың ортасында тағдыр тәлкегімен тау асып, тас басып, арып-ашып Анадолы жеріне келген мыңдаған қазақ отбасын өз бауырым деп құшақ жайып қарсы алған Аднан Мендерес жөнінде болып отыр. Ол өткен ғасырдың елуінші-алпысыншы жылдары, он жыл бойы Түркия Республикасының Премьер-министрі болған көрнекті мемлекет және қоғам қайраткері. Қазақтардың осында орнығуына, кәсіп істеп, тамыр жаюына көп жағдай жасаған бірден-бір тұлға болғаны ақиқат. Осы маңызды жиын өтіп жатқан Демократия және бостандық аралының да Аднан Мендерестің тағдырына тікелей қатысы бар. Мен Қазақстан Республикасының Президенті ретінде қазақ халқының атынан Аднан Мендерестің рухына тағзым етіп, құшағы кең барша түрік халқына шынайы алғысымды айтамын, – деді Қазақстан Президенті.
Қасым-Жомарт Тоқаев түрік халқына алғыс айтты

Мемлекет басшысының бұл сөзінен кейін 
Режеп Тайып Ердоған
 да өз ықыласын білдірді.
Осыны айтқан соң Ердоған сөз алып, толқып, марқұмдарға дұға жасады. Және қазақ Президентін қолдап сөйлеп, алғыс айтты, – деді Президенттің баспасөз хатшысы Берік Уәли.

Қасым-Жомарт Тоқаев түрік халқына алғыс айтты
Өзгелердің жаңалығы