Қарағандылық жасөспірім дәрігердің ұялы телефонын үптеп кетті
11 Қараша 2021, 21:15 115

Қарағандылық жасөспірім дәрігердің ұялы телефонын үптеп кетті

Нұр-Сұлтан, BAQ.KZ. Қарағандыда 15 жастағы жасөспірім дәрігердің ұялы телефонын үптеп кетті, деп хабарлады Polisia.kz.

6 қарашада Қарағанды ​​қаласының Оңтүстік-Шығыс полиция бөліміне 25 жастағы қала тұрғыны арызданған. Жәбірленуші емханалардың бірінде дәрігер болып жұмыс істейтінін айтты. Кезекті науқасты қабылдағаннан кейін жәбірленуші үстел үстінде тұрған ұялы телефонының жоғалғанын білген, - делінген ақпаратта.

Келтірілген шығын көлемі 560 мың теңгені құрады. Жедел-іздестіру тобының қызметкерлері күдікті 15 жастағы жасөспірімді анықтап, ұстады. Ол кінәсін мойындады. ҚР Қылмыстық кодексінің 188-бабы (Ұрлық) бойынша қылмыстық іс қозғалды.

Қазіргі уақытта тергеу амалдары жүргізілуде. 


Фото: ашық дереккөз
Загрузка...