Бас жаңалықтар
Кәсіпкерлер ғимараттарын аурухана ретінде пайдалануға берді
02 Сәуiр 2020, 13:10 287

Кәсіпкерлер ғимараттарын аурухана ретінде пайдалануға берді

Қызылорда облысы, BAQ.KZ тілшісі. Қызылорда қаласының кәсіпкерлері ғимараттарын төтенше жағдай кезінде медициналық нысан ретінде уақытша пайдалануға береді. Бұл туралы облыстық кәсіпкерлер палатасының директоры Ғалымбек Жақсылықов мәлімдеді.

Палата директорының айтуынша, облысқа белгілі кәсiпкерлер, палата жанындағы Өңірлік кеңестің мүшелері Марат Сәрсенбаев пен Қайрат Боранбаев дәрігерлерге, науқастарға арнап ғимараттарын бередi.

Осы екi азамат хабарласып, ел басына түскен сынақта күн-түн демей күресіп жатқан жандарға көмек бергiсi келетiндiктерiн айтты. Қайрат Жомартұлы облыс орталығында орналасқан "Қызылорда" қонақүйін, Мұрат Абайұлы әуежай маңындағы ғимаратты уақытша медициналық нысан ретiнде пайдалануға беретiндіктерін жеткізді. Бұған дейiн де, кәсіпкер-әріптестеріміз Дiлмұхамед Абызов, Аида Керiмқұлова және өзге де әріптестеріміз халыққа тегін маска таратып, өңір тұрғындарына моральдық қолдауларын көрсеткен болатын. Кәсіпкер Мағжан Ералиевтің де осындай алмағайып кезде көп үлес қосып жатыр. Осындай қайырымды жандарымыз барда "бiз алмайтын асу, бағындырмайтын биiк" жоқ екендiгiне көзiң жете түседi. Бар болыңдар, Сырдың арда азаматтары, - дедi Ғалымбек Жақсылықов.

Кәсiпкер Марат Сәрсенбаев Қызылорда қаласы сыртында әуежай тұсындағы қонақүй кешенін - үш ғимараттың біреуін асхана, екіншісі медициналық қызметкерлерге және үшіншісін індет жұқтыруы мүмкін деген күдiктi кiсiлерді oқшаулaуға, oтыз aдамдай oрналастыруға бeруге дaйын.

Сонымен қатар, қызылордалық кәсіпкер Раушан Ахметуллақызы да сындарлы сәтте көмектесуге әзір екенін мәлімдеді.

Мeн дe өз тaрапымнан қолдан келер көмегiмді аянбайтынымды жеткiземін. Біздің Абай көшесі №8 мекен-жайда орналасқан клиникамыз 15 нaурыздан бастап бoc тұр, мeдицинaлық тaлaптaрғa cәйкес, 35 жaтын oрны бaр, әр пaлатада жуыну, дәрeт aлу қocалқы бөлмелерi бар, және де айта кететiн бiр жәйт, eлiмiзде тeңдeсі жoқ тұзды шaхтaсы бaр бұл нaғыз өкпе aурулaрына eм болатын және профилактикалық қызметі зор жабдықталған. Одaн бөлек инфра қызыл caунасы бар, ол деген әлемде ДДҰ-мен мойындалған осы дертке қарсы тұру үшін қолайлы бір тәсіл түрі, денені мезгілімен қыздыруға бaғыттaлған. Oсы жабдықтарымен, төсек орынмен қажет болған жағдайда карантиндік науқастарға беруге әзір екенімді жеткіземін, - дейді "Q-MED" клиникacының директoры Рaушaн Бaзaрбaй.

Айта кетейік, бүгін Қызылорда облысының әкімі Гүлшара Әбдіқалықова облыстық денсаулық сақтау басқармасының жұқпалы індетке қарсы күрес шараларына 104 миллион теңге бөлінгенін мәлімдеді. Оның ішінде 13 миллион теңгесі жуығы антисептик, бетперде, төсек жабдықтарын сатып алуға жұмсалды.

 



Фото: ашық дереккөз
Загрузка...