Бас жаңалықтар
IFSC Еуропа чемпионаты өтетін жаңа датаны белгіледі
07 Маусым 2020, 17:36 257

IFSC Еуропа чемпионаты өтетін жаңа датаны белгіледі

Нұр-Сұлтан, BAQ.KZ. Халықаралық спорттық құзға өрмелеу федерациясы (IFSC) коронавирус пандемиясы байланысты Еуропа чемпионаты өтетін күндерді тағы өзгертті, деп хабарлайды Olympic.kz. 

Ресей астанасы Мәскеуде жоспарланған дода 20-29 қараша күні өтеді. Осыған дейін Австрия үкіметінің елде спорттық жарыстарды өткізуге тыйым салынуына байланысты IFSC әлем чемпионаты өтпейтін болды. Жылдың маңызды додасы саналатын дүниежүзілік біріншілік Австрияның Инсбурк қаласында 23-27 маусымына жоспарланған еді. 

Бастапқыда Ресей астанасы наурыз айында Еуропа чемпионатын өткізуі керек еді, бірақ коронавирус пандемиясына байланысты жарыс маусымға ауыстырылды. Одан кейін белгісіз мерзімге кейінге қалдырылып, қазан айына шегерілді. Пандемиямен байланысты медициналық және логистикалық қауіптерді одан әрі азайту мақсатында жарыс қайтадан кейінге ұзартылды. 

Еуропа чемпионаты - бұл Токиода өтетін 2020 жылғы Олимпиада ойындарының іріктеу сайысы. Құрлықтық біріншілікте ерлерге – біреу, әйелдерге – біреу, жалпы саны екі Олимпиадалық жолдама үлестіріледі. 

Аталған спорт түрі бойынша сайыстар Токио Олимпиадасында бірінші рет өткізіледі.



Фото: дереккөз
Загрузка...