Бас жаңалықтар
Халық санағы азаматтардың тұрғын үй жағдайын жақсарту үшін маңызды
13 Қыркүйек 2021, 17:02 80

Халық санағы азаматтардың тұрғын үй жағдайын жақсарту үшін маңызды

Алматы, BAQ.KZ тілшісі. Бұл туралы Алматы қаласы Жоспарлау және урбанистика басқармасының басшысы Алмасхан Ахмеджанов брифинг барысында айтты.

Басқарма басшысы халық санағының көмегімен абаттандыру және қаланы жоспарлау мәселелерін шешу туралы баяндады.

БҰҰ-ның халық санағын және тұрғын үй қорын жүргізу жөніндегі Еуропалық статистиктер конференциясының ұсынымдарына сәйкес «Халық санағы» ел аумағында және оның ең аз географиялық бірліктерінде тұратын халық санын, бүкіл халықтың әлеуметтік және демографиялық сипаттамаларын теру жөніндегі ақпаратпен қатар, тұрақты уақыт аралықтары арқылы ресми есепке алуды жүргізуге мүмкіндік беретін іс-шара ретінде айқындалады. COVID-19 пандемиясына байланысты елімізде 2020 жылға жоспарланған кезекті ұлттық халық санағын өткізу 2021 жылға ауыстырылды. ҚР Статистика агенттігі халықтың алдыңғы санақтарының, әлеуметтік-демографиялық зерттеулердің қолда бар материалдарын жинады және зерттеді, демограф ғалымдар мен басқа да мамандардың ұсыныстары мен ескертулерін, осындай іс-шараларды өткізу жөніндегі халықаралық ұйымдардың ұсынымдары мен тәжірибесін ескерді, - дейді ол.
Оның айтуынша, жүргізіліп жатқан санақ ең сенімді ақпарат көзі болып саналады, себебі ол азаматтардың жеке сауалнамаларына негізделген.
Бұл деректер 10 жылдағы халықтың демографиялық және әлеуметтік-экономикалық дамуында болған экономикалық, демографиялық және әлеуметтік өзгерістердің көрсеткіші екені белгілі. Оған жалпы ел бойынша, қалалық және ауылдық жерлер бойынша және өңірлік бөліністе жынысы мен жасы, неке жағдайы, ұлттық құрамы, азаматтығы, діни сенімі, білім деңгейі, тілдерді білуі, үй шаруашылықтарының саны мен мөлшері, тұрғын үй жағдайлары және басқа да сапалық және сандық белгілері бойынша халық санының құрылымындағы өзгерістер кіреді, - деді Ахмеджанов.
Басқарма басшысының пайымдауынша, санақ нәтижелері үй шаруашылық жағдайын, неке-отбасы қатынастарын жақсарту, мүмкіндігі шектеулі адамдардың өмірін, халықтың тұрғын үй жағдайларын жақсарту жөніндегі мемлекеттік бағдарламаларды әзірлеу үшін, сондай-ақ білім беру, жұмыспен қамту, туу және көші-қон мәселелері бойынша шешімдер қабылдау үшін қажет.

Фото: ашық дереккөз
Загрузка...