Бас жаңалықтар
Головкин маусымда рингке оралады
10 Наурыз 2019, 10:18 163

Головкин маусымда рингке оралады

Астана, BAQ.KZ. Қазақстандық боксшы Геннадий Головкин (38-1-1, 34 КО) DAZN стриминг платформасының атқарушы директоры Джон Скипермен бірге баспасөз мәслихатын өткізбек. Бұл туралы Sports.kz сайты хабарлайды.

Баспасөз мәслихаты дүйсенбі күні Лос-Анджелесте (Калифорния штаты, АҚШ) өтеді. Онда Головкин өзінің жақын арадағы жоспарларымен бөліседі. Ал DAZN жетекшісі ынтымақтастықтың жаңа қырларымен таныстырады.

Головкин DAZN ұйымымен келісімшарт жасады. Ол 3 жылға созылады және осы уақыт аралығында қазақстандық боксшы 6 кездесу өткізбек. Геннадий жылына екі жекпе-жек өткізіп отыратын болады. Келісімшарт уақыты аяқталған соң ол карьерасымен қош айтыспақ. Қазақстандық боксшының DAZN аясындағы алғашқы кездесуі маусымда өтеді, бірақ оның қарсыласы кім болатыны әзірге белгісіз.

Сізден жаңалық