Бас жаңалықтар
Германияда карантин ақпанның ортасына дейін ұзартылды
20 Қаңтар 2021, 15:06 164

Германияда карантин ақпанның ортасына дейін ұзартылды

Нұр-Сұлтан, BAQ.KZ. Германия билігі қатаң карантиндік шаралардан бас тартпайтынын жеткізді. Федералды үкімет пен федералды жер билігінің өкілдері карантинді 14 ақпанға дейін ұзартуға келісті. 

Қазіргі уақытты Берлинде қатаң шектеу шараларын енгізу мүмкіндігі талқылануда. Олардың ішінде - қоғамдық көлік жұмысына шектеулер қою және қорғаныс деңгейі жоғары бетперделерді міндетті түрде тағу шаралары бар.

Италия Еуропадағы өлім-жітім бойынша екінші орында – өткен тәулікте 600-ден астам адам қайтыс болды. Ел үкіметі коронавирустың «белсенді таралуының» жаңа кезеңін жариялады. Қазіргі уақытта карантиндік шектеу шараларымен аймақтар арасындағы қозғалысқа тыйым салынуда. Аталған шектеулер 15 ақпанға дейін, ал түнгі коменданттық сағат 5 наурызға дейін жалғасады.

АҚШ COVID-19 жұқтыру саны мен өлім деңгейі бойынша көш бастап тұр. Калифорния, індетті жұтырғандардың саны 3 миллионнан асқан АҚШ-тың алғашқы штаты болды. Жалпы мемлекетте 24 миллионнан астам жағдай анықталған, 400 мыңға жуық ел азаматы қайтыс болған. Екі көрсеткіш бойынша да ел әлемде бірінші орында.


Фото: ашық дереккөз
Загрузка...