Қарағанды облысында заманауи гемодиализ орталықтары ашылып жатыр

28 Қыркүйек 2020, 18:12
1670
Бөлісу:
Қарағанды облысында заманауи гемодиализ орталықтары ашылып жатыр
PHOTO

Нұр-Сұлтан, BAQ.KZ. Бүгін Абай ауданының Топар кентінде мемлекеттік-жекеменшік әріптестік бағдарламасы аясында тәулігіне 15 науқасты қабылдай алатын заманауи гемодиализ орталығы ашылды. 

Бұл туралы Қарағанды облысының әкімі Жеңіс Қасымбек Facebook-тегі парақшасында хабарлады.

Қарағанды облысында заманауи гемодиализ орталықтары ашылып жатыр

Мұндай орталықтар екі жыл бұрын Саран қаласы мен Жаңаарқа ауданында, сонымен қатар, өткен жылы Сәтбаев қаласында ашылған болатын.Сондай-ақ осы сынды орталықтар ертең Осакаров ауданында, ал екі аптадан соң Қарқаралыда ашылады. Аталған жобалар орталық аудандық ауруханалардың базасында іске асырылды. Осылайша, облыс бойынша барлығы 13 гемодиализ орталығы жұмыс істейтін болады, - деді ол.

Қасымбектің айтуынша, осыған дейін бүйрек қызметінің созылмалы жеткіліксіздігі бар емделушілерге ем-шараны өткізу үшін аптасына 2-3 рет облыс орталығына баруға тура келетін. 

Қарағанды облысында заманауи гемодиализ орталықтары ашылып жатыр

Ал қазіргі уақытта облысымыздың созылмалы бүйрек жеткіліксіздігі бар барлық науқас үйлеріне жақын жерлерде қажетті емдік шараларды қабылдауда. Жалпы алғанда, биылғы жылдың 9 айында жеке инвесторлар облыстың денсаулық сақтау саласына 2 млрд теңгеге жуық қаржы салды. Осы уақыт ішінде балаларды оңалту орталығы мен 3 емхана ашылды. Сондай-ақ жыл соңына дейін жеке қаражатқа Теміртау қаласында балаларды оңалту орталығы, Қарағанды мен Балқашта оңалту орталықтары мен клиникалық-диагностикалық зертханалар, ал Жезқазған, Сәтбаев және Шахтинск қалаларында 4 компьютерлік томография кабинеті ашылатын болады, - деді әкім.
Қарағанды облысында заманауи гемодиализ орталықтары ашылып жатыр
Өзгелердің жаңалығы