Ғабдолла Смайылқановтың отбасына «Айбын» ордені табысталды

14 Қаңтар 2022, 16:42
2006
Бөлісу:
Ғабдолла Смайылқановтың отбасына «Айбын» ордені табысталды

Нұр-Сұлтан, BAQ.KZ. Президент Жарлығымен Талдықорғандағы авиабазаның келісім шарт бойынша әскери қызметшісі ефрейтор (марқұм) Ғабдолла Смайылқановқа ІІІ дәрежелі «Айбын» ордені берілді.

Орденді әкесі Ғалым Азанбековке табыстады.

Бұл бәріміз үшін орны толмас қайғы. Күш-жігері тасып тұрған жастардың арамыздан кетуі өте ауыр. Ұлыңыз соңына дейін әскери парызы мен антына адал болды. Ол біздің жадымызда мәңгі сақталады. Қарулы Күштердің барлық жеке құрамы мен Қорғаныс министрлігінің басшылығы сізге қайғырып көңіл айтады, – деді әуе шабуылына қарсы қорғаныс әскерлерінің қолбасшысы генерал-майор Қайрат Садықов.  

Қорғаныс министрлігі авиация базасының маманы ефрейтор Ғабдолла Смайылқанов Талдықорған қаласында террористтердің қолынан қаза тапты. Ол қызметтік парызын орындау барысында ауыр жарақат алған болатын.

Ғабдолла Смайылқановтың отбасына «Айбын» ордені табысталды

Ғабдолла Ғалымұлы Смайылқанов 1996 жылы 6 сәуірде Алматы облысы, Қарабұлақ кентінде дүниеге келген. Ғабдолла небәрі 25 жаста ғана еді.

Марқұмның артында жұбайы, ұлы мен қызы қалды. Қорғаныс министрлігі отбасын тұрғын үймен қамтамасыз етіп, қажетті материалдық көмек көрсететін болады. Әскери бөлім Ғабдолла Смайылқановтың отбасын өз қамқорлығына алды.

Өзгелердің жаңалығы