Нұр-Сұлтан, BAQ.KZ. Зерттеушілердің айтуынша, 10 фут болатын бір жылан 3500 дозаға жуық коронавирустық вакцина жасауға жеткілікті.
Флориданың Эверглейдс ұлттық саябағындағы Бирман питондары коронавирусқа қарсы вакцина жасау шараларына көмектесе алады. Бұл жыландарда күшті иммундық реакция тудыратын каротиноидтар тобына жататын сквален атты ерекше көмірсутегі бар. 1997 жылдан бастап ол тұмауға қарсы екпеде қолданылып келеді.
Сквален – бұл табиғи түрде пайда болатын және балық майынан, атап айтқанда, акуланың бауырынан коммерциялық түрде алынатын табиғи май тәрізді зат.
Алайда оны акулалардан шығару зоотехниктер арасында даулы тақырыпқа айналды. Бірақ бирмалық питон Эверглад паркінде хаос тудырып келеді, сол себепті жабайы табиғатты қорғау жөніндегі шенеуніктер бұл тіршілік иесінің көзін жоюға тырысуда.
Питон аңшысы Дастин Крам мен Global Research және Discovery Group компаниясының зерттеушісі және кәсіпкері Дэрил Томпсон 10 футтық болатын бір ғана жыланның 3500 дозаға жуық коронавирустық вакцина жасауға жеткілікті екенін айтты.
Дүниежүзілік денсаулық сақтау ұйымы скваленді вакциналар үшін қауіпсіз деп санаса да, ол Pfizer немесе Moderna вакциналарының ингредиенттер тізіміне кірмейді.
Daily Mail басылымы Крамның сөзін «метаболикалық әсерлерді зерттей отырып, біз сквален алудың жаңа әдісін тауып, анықтай аламыз. Біз оны холестерол сияқты майлардан жасай аламыз» деп келтірді.
Айта кету керек, кейбір ғалым мен жұртшылық скваленді вакциналарға қосу тұжырымдамасымен келіспейді.
