Бас жаңалықтар
АҚШ тарапынан санкциялар Еуразиядағы қару-жарақты бақылауды жойды – сарапшы
12 Қараша 2019, 17:31 605

АҚШ тарапынан санкциялар Еуразиядағы қару-жарақты бақылауды жойды – сарапшы

Нұр-Сұлтан, BAQ.KZ. Ресей Мемлекеттік думасы комитетінің төрағасы, "Русский мир" қорының басқарма төрағасы, НКИ БРИКС басқарма төрағасы Вячеслав Никонов АҚШ тарапынан санкциялар Еуразиядағы қару-жарақты бақылауды жойды деп санайды. Сарапшы АҚШ пен НАТО-ны осы мәселені Еуразиялық талқылауға шақырды.

Еуразия елдерінің көпшілігі АҚШ тарапынан белгілі бір санкцияларға ие. Америка бұл жағдайда, менің ойымша, қару-жарақты бақылауды жойды. Бұл тек орта және кіші қашықтықтағы зымырандар туралы шарт қана емес, бұл ядролық сынақтарға тыйым салу туралы шарт. АҚШ-тың Таяу Шығыста жүзеге асырып жатқаны тәртіп орнатып жатыр деуге келмейді. Бұлайша, қару-жарақты бақылау, сондай-ақ сақтау мүмкін емес. Оны мойындау керек, - деді Вячеслав Никонов.

Сарапшының пікірінше, бұл мәселеде ықтиярмен консенсусқа келуге болады. Ол БРИКС елдерімен әртүрлі форматтағы жағдайлар мен шешімдерді талқылаудың және келісудің табысты тәжірибесін мысалға келтірді. Сондай-ақ, Вячеслав Никонов ШЫҰ, АСЕАН, СМВДА, ЕАЭО аясындағы елдердің жемісті құрылымдық ынтымақтастығына тоқталды.

Ресей өзін Еуропалық және Тынық мұхиттық держава деп санайды. Менің ойымша, біздің Батыстағы достарымыз - АҚШ пен НАТО үшін Еуразиядағы жалғасып жатқан диалогқа (қару-жарақ бойынша) келу өте пайдалы болады. Бұл консенсус пен құндылықтарға негізделген қарқынды диалог, - деді ол.

11-12 қараша күндері "Назарбаев орталығында" саяси форум форматында беделді халықаралық пікірталас алаңы - "Астана клубының" бесінші отырысы өтті. Іс-шараға әлемнің 50-ден астам топ саясаткерлері, Еуразия зияткерлері мен халықаралық қатынастар саласындағы үздік мамандар қатысуда.

Негізгі спикерлер құрамында Ауғанстан президенті Хамид Карзай, Словения президенті Данило Тюрк, Нобель сыйлығының лауреаты (2005), МАГАТЭ бас директоры (2013-2014) Мохаммед Эль-Барадеи, JP Morgan Chase басқарма төрағасы, International төрағасы Джейкоб ФРЕНКЕЛЬ, Ресей стратегиялық зерттеулер институтының директоры, РФ үкіметінің төрағасы (2004-2007), РФ Сыртқы барлау қызметінің директоры (2007-2016) Михаил Фрадков және т.б. бар.

Отырыстың күн тәртібінде – қауіпсіздіктің өзекті мәселелері және Үлкен Еуразияның стратегиялық болашағы. Бес сессия шеңберінде клуб қатысушылары Еуразия елдері мен халықтарының дамуындағы аса өткір проблемалық трендтерді, өңірлік ынтымақтастық үшін жаңа мүмкіндіктерді, сондай-ақ болашақ контуры мен сценарийлерін талқылайды.

Тұжырымдамалық тұрғыда барлық пікірталастар басты мәселе – үлкен Еуразияда ынтымақтастықтың жаңа архитектурасын құру төңірегіне шоғырланған.

Іс-шара аясында "2020 жылы Еуразия үшін Топ - 10 тәуекел" рейтингісінің кезекті шығарылымы – Әлемдік экономика және саясат институты Астана клубының қолдауымен шығарылатын әлемнің жетекші сарапшыларының стратегиялық форсайты таныстырылады.

Клубтың ұйымдастырушылары – Қазақстан Республикасының Тұңғыш президенті – Елбасы Қоры және қор жанындағы Әлемдік экономика және саясат институты.


Фото: дереккөз
Загрузка...