Бас жаңалықтар
Ертең бас мемлекеттік санитарлық дәрігер «Спутник V» вакцинасының 2-дозасын еккізеді
21 Ақпан 2021, 15:42 396

Ертең бас мемлекеттік санитарлық дәрігер «Спутник V» вакцинасының 2-дозасын еккізеді

Нұр-Сұлтан, BAQ.KZ. Бас мемлекеттік санитарлық дәрігер Ерлан Қиясов пен Денсаулық сақтау вице-министрі Ажар Ғиният «Спутник V» вакцинасының екінші дозасын салдырады.

Бұл туралы ДСМ баспасөз қызметін хабарлады.

Ертең, 22 ақпанда Денсаулық сақтау вице-министрі – Бас мемлекеттік санитарлық дәрігер Ерлан Қиясов пен Денсаулық сақтау вице-министрі Ажар Ғиният Нұр-Сұлтандағы №6 қалалық емханада коронавирус инфекциясына қарсы «Спутник V» вакцинасының екінші дозасын салдырады, - делінген хабарламада.    

Еске салсақ, А.Ғиният пен Е. Қиясов коронавирус инфекциясына қарсы вакцинаның алғашқы дозасын 2021 жылғы 1 ақпанда №6 қалалық емханада алған болатын.

Бұған дейін хабарлағанымыздай, 1 ақпаннан Қазақстанда халықты ерікті түрде кезең-кезеңмен вакцинациялау науқаны басталды. «Спутник V» вакцинасының бірінші партиясы Қазақстанға 22 мың доза көлемінде жеткізілді және өңірлерге таратылды.

Вакцинаны кәмелетке толған азаматтар ғана алады. КВИ-ға қарсы вакцинация 2021 жылдың соңына дейін жалғасады, оған 6 млн адам қатысады деп жоспарлануда.


Фото: Артём Чурсинов
Загрузка...