Бас жаңалықтар
Ереванда ТМД мемлекеттері біріккен әскери байланыс жүйесін дамыту мәселелері талқыланды
07 Қазан 2021, 11:12 3260

Ереванда ТМД мемлекеттері біріккен әскери байланыс жүйесін дамыту мәселелері талқыланды

Нұр-Сұлтан, BAQ.KZ. Қазақстан Қарулы Күштері Бас штабы Байланыс департаментінің бастығы полковник Арман Қалижанов ТМД-ға мүше мемлекеттер қарулы күштері байланыс басшыларымен өткен Үйлестіру комитетінің кезекті отырысына қатысты. 

Қорғаныс министрлігінің баспасөз қызметінің мәліметінше, Армения, Беларусь, Қазақстан, Қырғызстан, Ресей және Тәжікстан қарулы күштері байланыс әскерлерінің басшылары біріккен байланыс жүйесін құру, оның жұмыс істеуі және дамыту бойынша орындалған және жоспарланған іс-шараларды, бірлескен оқу-жаттығуларды өткізу кезінде байланысты ұйымдастыру ерекшеліктерін және басқа да ұйымдастыру мәселелерін талқылады.

Отырыс қорытындысында Үйлестіру комитетінің алдағы бес жылға арналған жұмыс жоспары қабылданды. Сонымен қатар ТМД-ға мүше мемлекеттер қарулы күштерінің байланыс тораптарымен келесі жылға арналған бірлескен жаттығулар кестесі бекітіліп, кезекті бірлескен кеңестің бастапқы күн тәртібі талқыланды.




Фото: дереккөз
Загрузка...