Бас жаңалықтар
Елордалық әділет департаменті басшысының орынбасары 9 жылға бас бостандығынан айырылды
27 Мамыр 2019, 19:56 418

Елордалық әділет департаменті басшысының орынбасары 9 жылға бас бостандығынан айырылды

Нұр-Сұлтан, BAQ.KZ. Нұр-Сұлтан қаласы Есіл аудандық сотының үкімімен Елордалық әділет департаменті басшысының орынбасары Р. Рамазанов «Астана қалалық жарық» ЖШС шоттарынан тыйым салуды алу мақсатында 22 млн теңге пара алуға оқталғаны үшін кінәлі деп танылып, 9 жыл бас бостандығынан айыру жазасына тартылды. Бұл туралы ҚР МҚІСЖҚА баспасөз қызметі хабарлады.

Сондай-ақ, сот шешімімен оның сыбайлас қатысушылары – елордалық әділет департаментінің атқару өндірісін қамтамасыз ету басқармасының басшысы Е. Дәулетбаев және аға сот орындаушысы - елордалық әділет департаментінің Алматы аумақтық бөлімінің басшысы Г. Манапова – сәйкесінше 9 және 5 жыл бас бостандығынан айыру жазасына тартылды. 

Сонымен бірге, бұрын Сыбайлас жемқорлыққа қарсы іс-қимыл ұлттық бюросымен ҚР Қылмыстық-процестік кодексiнің 200-бабының аясында енгізілген ұсыным негізінде Әділет министрлігінің жауапты хатшысының бұйрығымен әділет департаментінің басшысы М. Әбілов атқарып отырған лауазымынан босатылды.






Фото: ашық дереккөз

Сізден жаңалық