Елордалық қыз-келіншектер Индонезия сорпасын әзірледі

1 Ақпан 2020, 15:01
3376
Бөлісу:
Елордалық қыз-келіншектер Индонезия сорпасын әзірледі
PHOTO
Фото: Гүлжан РАМАНҚҰЛОВА

Нұр-Сұлтан, BAQ.KZ тілшісі. Бүгін Индонезияның Қазақстандағы елшілігі елордалық қыз-келіншектер үшін мастер-класс өткізді.

Ас мәзірінде "сото аям" тауық сорпасы, кынтанг - картоптан фрикадельки болды. 

WhatsApp Image 2020-02-01 at 14.34.58.jpeg

Бірінші тағам - "Сото аям" тауық сорпасы. Аспаздың есімі - Дини Куздиани. 

Дини ханым - елшіліктің бас аспазы. Бүгін өзінің ерекше рецептімен бөлісті.

Тауықты 3 литр суда қайнатып, көбігін алу керек. Содан соң, қайнап тұрған сорпаға 2 жапырақ лемон грасс (лавр жапырағы), бірнеше сарымсақ, имбир салып қайнатуға қоямыз. 

WhatsApp Image 2020-02-01 at 14.33.03.jpeg

Содан соң сковородка алып, кішкене сұйық май құйып, жуа, индонезиялық фундук салғаннан кейін, 2 шай қасық кориандр, 2 шай қасық куркума салып, қуыру керек.

WhatsApp Image 2020-02-01 at 14.34.59.jpeg

10 минут қуырылғаннан кейін сорпаға қосамыз. Сонымен қатар, 11 жұмыртқаны қайнатып, сорпаны сәндеу үшін пісіріп аламыз.

WhatsApp Image 2020-02-01 at 14.36.37.jpeg

Сорпаның ішінен тауық етін шығарып, ұсақтап турап, дайындап қоямыз. Тағы орамжапырақты, аскөкті, қайнаған жұмыртқаны ұсақтап тураймыз. 

Содан соң тәрелкеге салып, үстіне сорпаны құямыз. Өте дәмді, тойымды "Сото аям" дайын болды. Ас болсын!

WhatsApp Image 2020-02-01 at 15.28.35.jpeg

Бас аспаз 30 жылдан бері ас әзірлеумен айналысып келеді. Индонезия асханасының ең тәтті әрі құнарлы тағамдарын жасаудың шебері болғысы келеді. Бұдан бөлек, ол тігіншілікпен айналысады. 

Индонезия елшілігі жанындағы мәдени орталықтар ас әзірлеуден мастер-кластар айына бір рет өтеді.


Өзгелердің жаңалығы