Нұр-Сұлтан, BAQ.KZ. Қала әкімі Алтай Көлгінов кешкі аралау кезінде проблемалық тұрғын үй кешендерінің құрылыс жұмыстарының барысын тексерді, деп хабарлады елорда әкімдігінің баспасөз қызметі.
ЕКК желісі және "Шығыс" нысаны бойынша инвесторды қаржыландыру ашылды. "Шығыс" 1В тұрғын үй кешенінде өз пәтерлерін 390 адам күтуде. Әкімнің соңғы тексерісінен кейін объектіде үйді жылумен қамту, шатырды нығайту бойынша жұмыстар жаңартылды, құрылыс материалдары әкелінді; 2 блокта терезе мен есіктерді орнату бойынша жұмыстар жүргізілуде, кейін құрылыс салушы ішкі әрлеуге кіріседі.
"Қазір 1в-ға 60-қа жуық адам көшіп келді. Электр жарығы қосылған. Кіреберістердің дайын болуына қарай инженерлік желілерге жеткізетін боламыз", - деді құрылыс салушы.
"Шығыс" ТК 1А-да коммуникациялармен 5 подъезд жабдықталған. Сыртқы желілер үйге шығарылды. Қазір пәтерлерді алғашқы өңдеу жұмыстары жүріп жатыр. Сондай-ақ, А. Көлгінов "Future home"ТК тұрғындарымен кездесті. Қазіргі уақытта инвесторлармен келіссөздер жүріп жатыр. Үлескерлердің саны 200-ге жуық адамды құрайды.
Қала әкімі А. Көлгінов "Шығыс" ТК нысандарында құрылыс жұмыстары қайта басталғанын атап өтті.
"Әкімдік тарапынан барлық процедуралық жұмыстар орындалды. Енді сізге құрылысты жандандырып, ғимаратты жылыту маусымына дайындап, инженерлік желілерге қосу қажет", - деді А. Көлгінов.
Қалада барлығы 51 объект (76 үй) бар. Жыл соңына дейін 10 тұрғын үй пайдалануға беріледі.
