Елордада жаяу жүргіншілер көшесі ашылды

12 Маусым 2021, 19:55
2053
Бөлісу:
Елордада жаяу жүргіншілер көшесі ашылды

Нұр-Сұлтан, BAQ.KZ. Елорда әкімі Алтай Көлгінов Instagram парақшасында «Demalys Promenade» жаяу жүргіншілер кеңістігі ашылғанын айта келе, биыл 150 аула мен 40 қоғамдық кеңістік салып, абаттандырылатынын мәлім етті.

Елорданы одан әрі дамытуды жалғастырамыз. Қала тұрғындары мен қонақтары таза ауада уақыт өткізе алатын жаңа орындарды абаттандырудамыз. Бүгін қаланың оң жағалауында алғашқы жаяу жүргіншілер көшесі ашылды. "Demalys Promenade" А.Мәмбетов көшесінің (Кенесары көшесі мен Абай даңғылының арасында) учаскесінде орналасқан, демалыс және мереке күндері учаске автокөлік қозғалысы үшін жабық болады, - деді әкім.

Сондай-ақ ол жаяу жүргіншілер аймағы кіреберіс аркадан басталатынын, оның жанында орналасқан сахнада шығармашылық топтардың, әртістердің концерттері мен қойылымдары өтетінін айтты. 

Одан әрі жаяу жүргіншілер көшесінде суретшілер бұрышы, шахмат ойнауға арналған орындар, ұлттық ойындар ("асық ату" және "тоғызқұмалақ"), спорттық жаттығуларға арналған орындар, сурет көрмелеріне арналған аймақтар, кітап аймақтары, шатырлы сауда-көрме алаңы және т.б. сондай-ақ ерекше инсталляциялар, әткеншектер, арт-нысандардан фотозоналар және т. б. орнатылған. Сонымен қатар, "Demalys Promenade"-тың ерекшелігі - ол "Театральный" жаяу жүргіншілер бульвары (Омаров көшесі) мен қаланың жағалауын біріктіреді, онда біз абаттандыру жұмыстарын жүргіземіз. Жағалауда өзіндік бақылау палубасы пайда болады, сонымен қатар әткеншек орнатамыз және т. б, - деді Алтай Көлгінов.

Оның айтуынша, биыл барлығы 150 аула мен 40 қоғамдық кеңістік салып, абаттандырады, бұл - саябақтар, скверлер, бульварлар. Олардың ішінде, мысалы, Триатлон парктегі жаңа жағажайды абаттандыру, Президенттік паркте жүзбелі тақтай жағалауы, Оқушылар сарайының жанында тағы бір скейт-парк ашады, Қабанбай батыр даңғылының жанындағы көпірдің астында (Самал шағын ауданы жағынан) тағы бір көпірасты кеңістікті абаттандырамыз) және т.б., - деді әкім. 

Мәселен, өткен жылы 76 гектардан астам аумақ абаттандырылды. Ол кезде алғаш рет спортпен айналысуға арналған аймақтар, скейт-алаң, футбол және баскетбол аймақтары және т. б. бар көпірасты кеңістіктері абаттандырылды. Көшеде жайлы уақыт өткізу және экологияны жақсарту үшін қаланы көгалдандыру бойынша ауқымды жұмыстар жүргіземіз. Қаланың "өкпесі" болып табылатын ағаштарды елорданың барлық аудандарында отырғызамыз. Осылайша, қазірдің өзінде қалада өзіндік экологиялық аймақтар мен тартылыс нүктелері бірнеше есе көбейді. Жайлы қоғамдық кеңістіктердің санын арттыру үшін алдағы уақытта да жұмыс істейтін боламыз», — деп жазды елорда әкімі.

 


Өзгелердің жаңалығы