Бас жаңалықтар
Елордада жастарға бос жұмыс орындары ұсынылды
13 Ақпан 2020, 17:35 195

Елордада жастарға бос жұмыс орындары ұсынылды

Нұр-Сұлтан, BAQ.KZ. Бүгін елордада жоғары курс студенттері, білім беру ұйымдарының түлектері мен жұмыссыз жастарға арналған бос жұмыс орындарының жәрмеңкесі өтті, деп хабарлады қала әкімдігінің ресми сайты.

Қазақ технология және бизнес университетінде өткен жәрмеңкеде 30 жұмыс беруші 150-ден астам бос жұмыс орнын ұсынды. Оның ішінде "Самұрық-Қазына" корпоративтік университеті, "Нұрбанк" АҚ,  Нұр-сұлтан  қаласы  әкімдігінің "Халықты жұмыспен қамту орталығы"  КММ, "Bazis Construction" ЖШС, "ПИК Ютария LTD" ЖШС, "Sa Belle" сән үйі және басқа да мекемелер бар.

Ұсынылған бос жұмыс орындары арасында маркетолог, заңгер, инженер, сату бөлімінің басшысы, мемлекеттік сатып алу жөніндегі маман, дизайнер, кредиттік кеңесші және менеджер, журналист, қаржыгер, өндірістік бөлімнің меңгерушісі, жүйелік әкімші, бухгалтер, слесарь-жөндеуші, SММ-менеджер, сату жөніндегі директор секілді мамандар сұранысқа ие болды.

Кез келген адам құнды кеңестер алып, жұмысқа орналасуға мүмкіндік беретін шараға 200-ден астам адам қатысты. Айта кетсек, осындай жәрмеңкелер жыл бойы қаланың ірі жоғары оқу орындарында өтетін болады.



Фото: дереккөз
Загрузка...