Бас жаңалықтар
Елордада жаңа саябақтар ашылады
12 Маусым 2019, 09:48 319

Елордада жаңа саябақтар ашылады

Нұр-Сұлтан, BAQ.KZ. Жақында елорда тұрғындары тағы да жаңадан ашылатын 2 саябақта серуендейтін болады, деп хабарлады қала әкімі Бақыт Сұлтанов Facebook-тегі парақшасында.

Саябақтар Бейбітшілік және Келісім сарайынан бастап «Нұрлы жол» вокзалына дейін 6 шақырымды алып жатқан «Мыңжылдық» аллеясының бойында орналасады.

«Жоспарымыз бойынша Аллеяның өзі де – «Нұржол» бульвары, Президент саябағы, Бәйтерек, ғашықтар саябағы бойынша қаланың орталық белдігін жалғастыратын үлкен әрі демалушыларға ыңғайлы жасыл саябаққа айналады. Бульвардың нақ ортасында орналасатын жаңа Қазақ драма театры осы жердің ең басты нысаны болмақ. Ал оны бойлай ұлттық, азиялық және еуразиялық сәулет стилінде тұрғын үйлер салынады. Біз Аллеяның орталық бульварын жобалау бойынша конкурс жариялап қойдық. Ал жақында өткен қала құрылысының кеңесінде оны айнала қоршайтын тұрғын үй кешендерінің жобаларын қарадық. «Мыңжылдық» ауданының жаңа келбетіне қалалықтар өз бағасын беретініне сенімдімін», - деп жазды қала әкім Facebook-тегі парақшасында.

 «Мыңжылдық» аумағының ауданы 1,2 мың гектарға жуық. Аумақтың 10% игеріліп, жол және инженерлік желілерінің 50% салынды.



Фото: ашық дереккөз
Загрузка...

Сізден жаңалық