Бас жаңалықтар
Елордада "Әрбір үйдегі өрт қауіпсіздігі" акциясы өтті  
PHOTO
18 Қараша 2019, 19:45 644

Елордада "Әрбір үйдегі өрт қауіпсіздігі" акциясы өтті 

Нұр-Сұлтан, BAQ.KZ. Қалалық төтенше жағдайлар департаменті "Әрбір үйдегі өрт қауіпсіздігі" атты ауқымды акцияны ұйымдастырды. Құтқарушылар өрт қауіпсіздігі ережелерін жеткізу және өрттің алдын алу мақсатында аулаларды аралап, рейдтер жүргізді, деп хабарлады қала әкімдігінің ресми сайты.

Жыл сайын жылыту маусымы басталысымен елорданың тұрғын секторында өрттің алдын алу бойынша үгіт-насихат жұмыстары жүргізіледі. Оның шеңберінде Департамент қызметкерлері аулаларды аралап, рейдтер жүргізеді. Аралау барысында пештер мен түтіндіктерді, электр жылытқыштарды орнатуға басты назар аударылады. Үй иелеріне пештер мен түтіндіктерді орнату кезіндегі ақаулықтарды жою жөнінде ұсыныстар беріліп, өртке қарсы тақырыптағы жадынамалар таратылады. Статистикаға сәйкес осы жылдың 10 айында қала бойынша 484 өрт тіркелді, бұл көрсеткіш былтырғы жылмен салыстырғанда 5%-ға аз .

орт1.jpeg
Қалалық ТЖ департаменті мемлекеттік органдар өкілдері полиция департаменті, Ұлттық Ұлан, Нұр-Сұлтан қаласы әкімдігі, Қызыл Жарты Ай волонтерлерімен бірлесе "Әрбір үйдегі өрт қауіпсіздігі" атты ауқымды акциясын ұйымдастырды. Елорданың барлық төрт ауданында жадынамалар тарату арқылы аулаларды аралау жүргізілді, сонымен қатар улы газды анықтау қондырғылары орнатылды. Аталған жұмыс барысында "Ашық қабылдау" өткізіліп, онда тұрғындарға өрт қауіпсіздігінің негізгі ережелері түсіндірілді, сондай-ақ қызықтыратын сұрақтарға жауаптар берілді, - делінген ақпаратта.
Департаменттің инженерлік-инспекторлық құрамы тұрғын үй секторын аралау аясында осы жылдың 15 тамызынан бастап 20 мың адамды қамти отырып, 13921 үйге барды. Улы газбен уланудың немесе жану өнімдерінің қайғылы салдарларының қаупін төмендету мақсатында жыл басынан жергілікті атқарушы органдардың қаражаты есебінен 1 177 қондырғы, оның ішінде улы газ – 698, түтін газ – 479 орнатылған.

орт2.jpeg


Аралау басталғаннан бері халықтың әлеуметтік осал топтарынан 959 үй қамтылды, оның барысында 2 802 мың азаматқа нұсқау берілді. Одан бөлек, қалалық ТЖД қызметкерлері өрт қауіпсіздігінің басты ережелері мен тұрмыста қолданылатын электр жылытқыш құралдарды пайдалану нұсқаулығын еске салды.
Зақымдалған розеткаларды, электр сөндіргіштерді және басқа өткізгіш қосалқы құралдарды пайдаланбау қажет. Су басқан пештерді қараусыз қалдыруға және оларды өрт қауіпсіздігі талаптары мен ережелері орындалмаған жағдайда пайдалануға болмайды. Пешке заттарды және шикі отынды кептіруге тыйым салынады. Жиһаздың, перделердің жылыту пешінің массивінен жарты метрден кем қойылмауын қамтамасыз ету керек. Пешті жағу үшін жанғыш немесе тез тұтанатын сұйықтықтарды пайдаланбаған дұрыс, - делінген ақпаратта.


Фото: дереккөз
Загрузка...