Бас жаңалықтар
Елордада профессорлар аллеясы ашылады
21 Қыркүйек 2021, 15:45 420

Елордада профессорлар аллеясы ашылады

Нұр-Сұлтан, BAQ.KZ. С.Сейфуллин атындағы Қазақ агротехникалық университетінің аумағында профессорлар аллеясына қарағай отырғызу рәсімі өтеді, деп хабарлады АШМ баспасөз қызметі.

Мемлекет басшысы Қасым-Жомарт Тоқаев Қазақстан халқына Жолдауында қоршаған ортаны қорғау мен экологиялық даму мәселесі еліміздің даму бағдарламасының күн тәртібінде бірінші орында болатынын айтты.

Бұл мәселемен бүкіл өркениетті әлем айналысуда. Сол себепті біз одан тыс қалмауымыз керек. Осыған сәйкес, алдағы бес жылда орман қорында 2 миллиардтан астам, ал елді мекендерде 15 миллионнан астам ағаш отырғызылады деп жоспарлануда. Бұл акция елімізді кең ауқымда көгалдандыруға мүмкіндік береді, - деген еді Президент.

Бүгін С.Сейфуллин атындағы Қазақ агротехникалық университетінің аумағында профессорлар аллеясы ашылады. Сол жерге университеттің жетекші оқытушылары мен ардагерлері қарағай отырғызады. 55 профессордың қатарында Парламент Сенатының депутаты Ақылбек Күрішбаев, ҚазАТУ Басқарма төрағасы Қайрат Айтуғанов, Басқарма төрағасының орынбасары-ректор, Нұр-Сұлтан қаласы мәслихатының депутаты Айтжан Әбдіров және тағы басқа да белгілі ғалымдар бар.


Фото: ашық дереккөз
Загрузка...