Бас жаңалықтар
Елордада хоккей корттары ашылды
09 Қараша 2019, 16:03 252

Елордада хоккей корттары ашылды

Нұр-Сұлтан, BAQ.KZ. Қала әкімі Алтай Көлгінов елорда аудандарының аулалық аумақтары қалай өзгергенін тексерді.

Үркер елді-мекенінде (201 көшесі, Есіл ауданы) әмбебап алаң ашылды: футбол алаңын жылдың суық мезгілінде хоккей кортына ауыстыруға болады. Бұл кортта балалар хоккей ойнап қана ғоймай, конькимен де сырғанай алады. 

08a53b12b2f6fb211118274a30851a0f.jpeg

Сондай-ақ тренажерлер орнатылып, workout аймағын жабдықталды. Әрбір осындай кешен инклюзивтік элементтермен жабдықталған - ерекше қажеттіліктері бар балалар алаңдарда ойнап, спортпен шұғылдана алады.


Мемлекет басшысы халыққа Жолдауында азаматтарды бұқаралық спортпен айналысуға шақырды. Барлығы аула спортынан басталады. Балалар бос уақытында футбол, хоккей ойнауға, конькимен сырғанауға мүмкіндік алуы үшін спортпен шұғылдануға жағдай жасалуы тиіс. Аулалардың көрінісі мен не болуы қажеттігі туралы тұрғындармен келісе отырып шешіледі. Қоғамдық кеңістікті тұрғындардың пікірін ескере отырып дамытатын боламыз. Аула аумақтарын абаттандыру жұмыстарын одан әрі жалғастырамыз, - деді Алтай Көлгінов. 
d810b07b59f8cb9f1aeeeb5bb3d22097.jpeg

Сондай-ақ, мұндай алаңдар Гете көшесі, 10 (Сарыарқа ауданы) және Өндіріс елді-мекенінде (Байқоңыр ауданы) орнатылды. Бұл жобалар "Samruk-Kazyna Trust" әлеуметтік жобаларды дамыту қорымен бірлесіп іске асырылды. 

3f1522b3afa8873367758b30dc2db2ab.jpeg

"Самұрық-Қазына" АҚ басқарма төрағасының орынбасары Әлішер Пірметов алаңдарды күтіп ұстау керектігін атап өтті. Кездесуде тұрғындар балалар алаңын орнатуға бөлінген қаражат үшін "Самұрық-Қазына" қорына алғыстарын білдірді. Балаларға баскетбол, волейбол және футбол доптары берілді.




Фото: дереккөз
Загрузка...