Бас жаңалықтар
Елорда маңындағы ақылы жолдарда жаппай жол-көлік оқиғасы болды
VIDEO
13 Ақпан 2020, 20:47 411

Елорда маңындағы ақылы жолдарда жаппай жол-көлік оқиғасы болды

Нұр-Сұлтан, BAQ.KZ. Елордадан шығатын екі ақылы жолда жаппай жол-көлік оқиғасы болды. Абырай болғанда, қаза болғандар жоқ, деп хабарлайды "ҚазАвтоЖол" ҰК" АҚ баспасөз қызметі.

Бірінші апат 13 ақпанда шамамен 15:00-де «Щучинск—Нұр-Сұлтан« автожолында болды. Жолдың Нұр-Сұлтан қаласына келетін бағытындағы 36 шақырымда 20-ға жуық автокөлік соқтығысып қалды. Қазіргі сәтте оқиға орнында 8 автокөлік қалған, қалғандары сапарларын жалғастырды, – делінген хабарламада.

"ҚазАвтоЖол" ҰК" АҚ таратқан мәліметке сай, Нұр-Сұлтан қаласынан Щучинск қаласына барар жақ бағыттың 37-шақырымында 16 автокөлік өзара соқтығысты. Мұнда 5 адам жарақат алған. Оның ішінде 2 жасар бала да бар. Бүлдіршінді жедел жәрдем, ал жарақат алған ересек азаматтарды жеңіл автокөліктер ауруханаға жеткізді. Аталмыш учаскеде 9 арнайы техника (3 құрамдастырылған жол машинасы, 3 тиегіш, 2 автогрейдер мен 1 экскаватор) жұмыс істеуде.



Үшінші жол-көлік оқиғасы "Нұр-Сұлтан-Теміртау" автожолының 1408 шақырымында сағат 16:00 маңында болды. Шоқай елді мекенінің қасында болған апат кезінде 15 көлік соқтығысып қалған. Оның ішінде 3 жүк машинасы, 2 газель, 10 жеңіл көлік бар. Бұл учаскеде 9 арнайы техника (2 құрамдастырылған жол машинасы, 3 тиегіш және 4 автогрейдер) жұмыс істеп жатыр, – делінген хабарламада.

Барлық апаттар көру қашықтығы күрт төмендеген локалды аймақтарда болды. Жол-көлік оқиғалары болған сәтте көк тайғақ болған жоқ. Көру қашықтығы төмен болғандықтан, сағат 16:00-де екі ақылы жолда да көлік қозғалысына уақытша шектеу қойылды.

"ҚазАвтоЖол" ҰК" АҚ жүргізушілерге жол ережесін сақтау, рұқсат етілген жылдамдықты асырмау, қауіпсіз қашықтықты сақтау қажеттілігі туралы ескертеді. Сонымен қатар, сапарға тек қысқы дөңгелектермен шығуға кеңес береді.



Фото: BAQ.KZ
Загрузка...