Бас жаңалықтар
Елорда әуежайында Ashyq арқылы «қызыл» мәртебесі бар 2 жолаушы анықталды
13 Мамыр 2021, 10:43 269

Елорда әуежайында Ashyq арқылы «қызыл» мәртебесі бар 2 жолаушы анықталды

Нұр-Сұлтан, BAQ.KZ. Нұрсұлтан Назарбаев халықаралық әуежайының баспасөз қызметі Ashyq жобасын іске асырудың алғашқы күнінде «қызыл» мәртебесі бар қанша жолаушы анықталғанын хабарлады.

Ashyq жобасын іске асырудың алғашқы күнінде Нұрсұлтан Назарбаев халықаралық әуежайының қызметкерлері «сары» мәртебесі бар 4 жолаушыны, «қызыл» мәртебесі бар 2 жолаушыны анықтады. Алгоритмге сәйкес, «қызыл» мәртебесі бар жолаушылар жедел жәрдем келгенге дейін оқшауланып, содан кейін ауруханаға жатқызылды, - делінген әуежай таратқан ақпаратта.

2021 жылдың 12 мамырынан бастап Нұрсұлтан Назарбаев халықаралық әуежайында Ashyq жобасы толыққанды іске қосылды. 

Біз барлық жолаушыға (кім ұшып шығады) әуежайға келмес бұрын қосымшаны жүктеп алып, өздерінің мәртебесін тексеру керек екенін ескерткіміз келеді. Терминал ғимаратына «сары» және «қызыл» мәртебесі бар жолаушылар жіберілмейді. Рейске жіберілмеген жағдайда қаражатты қайтару жөніндегі мәселелерді әуекомпанияға жолдаған жөн, - делінген хабарламада.

Ashyq қосымшасындағы ақпарат Денсаулық сақтау министрлігінің жалпы базасымен интеграция арқылы келеді және жолаушының қазіргі уақытта вирустың тасымалдаушысы болып табылмайтындығын анықтайды. 

Кідіріс жасамау үшін қосымшаны алдын ала орнатып, мәртебеңізді алдын ала білуіңіз керек. Әуежай қызметкерлерінің айлақ ғимаратына кіреберісте планшеттері бар. Смартфондары жоқ жолаушылар өз ЖСН-ін қызметкерлердің планшетіне енгізіп, өз мәртебесін біле алады. ЖСН жоқ шетелдік жолаушыларға келетін болсақ, олар өздерінің мәртебесін әуежай қызметкерлерінің планшетіндегі төлқұжат нөмірі арқылы тексере алады.

Жақында 12 мамырдан бастап елорданың халықаралық әуежайында Ashyq жобасы іске қосылатыны хабарланған болатын. Алайда ол жоба 10 мамырдан бастап енгізіле бастапты. 11 мамыр күні таңертең Ashyq қосымшасын жүктемей, мәртебе анықталмау салдарынан әуежайда кептеліс болды.


Фото: ашық дереккөз
Загрузка...