Нұр-Сұлтан, BAQ.KZ. «Қазгидромет» мамандары 15 желтоқсан күні Қазақстан қалаларында ауа сапасы қандай болатынын жариялады.
Кәсіпорынның мәліметінше, сейсенбі күні еліміздің екі қаласында - Ақтөбе мен Шымкентте қолайсыз метеорологиялық жағдай қалыптасып, ауа ластануы мүмкін. Өзге шаһарларда метеоахуал - бірқалыпты.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
